1-Mavzu: Sotsial-psixologik psixik trening haqida umumiy tushuncha Reja

Guruhga ekgzistentsial yondashuv.
Reja:
1. G’arb maktablarining psixoanaliz va guruhiy usullar haqidagi qarashlari.
2. Guruhiy psixoterapiya va gipnoz.
3. O’zini anglashni shakllantirishning zamonaviy usullari.
Insonni davolash vaqtida guruhiy davolashlar ko’proq samara berishi mumkin. Bu holat ibtidoiy insonlar davrida ham keng qo’llanilgan. Masalan shamanlarning tajribasida ham keng qo’llanilgan. Ular inson kasallanganda guruhiy ibodat qilganlar. Ko’p tabiblar insonlarning emotsiyalariga ta’sir qilib tuzatganlar. Oilalar, qabilalar, avlodlar birgalikda shamanlarning ibodatlarida qatnashganlar. SHundan so’ng har xil kuchlarga bo’lgan ishonch yuzaga kela boshlagana. Bunda tabibning o’ziga bo’lgan ishonchi ham yuqori o’rin tutgan, ular davolanish ehtimolini yuqori darajaga olib chiqqan.
«Hayvoniy magnetizm» nazariyasi F.A.Mesmer
Birinchi marotaba guruhiy jarayonlarni o’rganishga ilmiy nazariy jihatdan yondoshgan olim Frants Anton Mesmer hisoblanadi, u avstriyalik olim hisoblanib, Parijda tajriba o’tkazgan. «Hayvoniy magnetizm» nazariyasi quydagidan iborat hisoblanadi: qandaydir ohangrabo flyuid mavjud bo’lib, ular insonning organizmida notekis joylashishi organizm ichida kasalliklarni vujudga kelishiga sabab bo’ladi. SHifokorning vazitfasi esa o’sha flyuidlarni organizmda tekis joylashishiga asos yaratiladi (L.SHertok, R.de.Sossyur,1991). Guruxiy terapiya seansi qanday amalga oshirilgan? Saroyning bir xonasida suv bo’lgan, uning ichida toshlar, shisha siniqlari va boshqa narsalar joylashgan. Suv ichida quvurlar bo’lgan. Kasallar shu quvurlardan ushlaganlar. Ular arqon bilan bir biriga bog’langanlar. Messmer ular o’rtasida davolash ishlarini olib borgan, u maxsus shishali cho’p bilan kasallarga tekkan, boshqa manipulyatsiya ishlarini amalga oshirgan va shular orqali flyuidlar muvozanatlasha boshlagan. SHuni ta’kidlash lozimki bunday mistik sharoitda kasallar davo topganlar. Biroq Lyudovik XVI tashkilotidagi olimlar bu nazariyani tanqid qilganlar. Hech bir olim o’sha davrda Mesmerning ijtimoiy-psixologik samarasiga ahamiyatni qaratmagan.