1-мавзу. Ўрта асрлар Европа санъати Режа

Камар безаклари англосаксларда.

Герман фибуллари. V аср бошлари



Герман белбоғ қисми. V аср бошлари


Учшохли яримой. Герман қабила бошлиғи мақбарасидан

Викинглар тақиyчоқлари

Иккинчи босқич эса “полихром услуби” номини олган бўлиб, уни “гот услуби” деб ҳам аташган. Чунки бу услуб бирини бўлиб готларда пайдо бўлган. Полихром услуби готлар туфайли бутун Ғарбий Европада 350-550 йилларда энг кенг тарқалган. Баъзи жойларда, масалан, лангобардлар Италиясида полихром услубида ажойиб буюмлар ишланган буюмлар кечки даврларга хосдир. Полихром услуби филигран услубига қараганда бадиий ифода этиш имкониятларининг кенглиги билан ажралиб турган.

Полихром услуби буюмларининг ўзига хос жиҳатлар, бу металлнинг ранг-баранг тошлар ёки бўялган шиша билан ишланиши, айниқса, тилла ёки тилла суви юритилган миснинг турли тошлар ва шишалар билан ишланишидир. Металл гоҳо фон тариқасида, гоҳо безак оправа сифатида қўлланган. Бунинг ёрқин намунаси – Чезена (Шимолий Италия)нинг қанотлари ярим ёйилган бургут шаклидаги алмандин тоши қўйилган тилла фибуллар (Париж, Клюни музейи) бўла олади. У қиролича Теодолинда Евангелиясининг муқоваси (Монпе базиликаси ғазнаси) техникасининг аналоги ҳисобланади.
Полихром услубидаги вестгот фибули

Бургут кўринишидаги остгот фибули

XIX аср ўрталарида Толедо ёнидаги Гварразаре хазинасидан топилган тожларда айниқса диққатга сазовор. Тожлар қимматбаҳо безатилган металл ҳалқа шаклида бўлиб, одатда черковларга ҳадя этилган ва черковларнинг арка қисмига осиб қўйилган. Гварразареда топилган хазина ичида энг машҳурлари бу – анортошлар билан безатилган вестгот қироллари Свинтила ва Ретсесвинтанинг тилла тожларидир. Улар V асрга тегишли бўлиб, қироллар исмлари тожларга қимматбаҳо тошлар ва шиша ишланмалар билан безатилган безакдор ҳарфлар орқали осилма тарзда ишланган.