1-mavzu: Pedagogika nazariyasi fanining mazmuni, maqsad, vazifalari va nazariy asoslari Reja

Pedagogika fanining nazariy asoslari
Pedagogika fanining nazariy asoslari inson aqliy kamolotini yuksaltirishga qaratilgan, xalqimiz tomonidan yaratilgan boy tajriba, ilmiy tadqiqotlarga doir nazariy va metodik manbalarga O’rta Osiyo va jahon ma’rifatparvar, mutaffakkir olimlarning asarlariga suyangan holda barkamol shaxsni tarbiyalash, o’qitishning qoida va umumiy qonuniyatlariga asoslanadi.


Pedagogika fanining milliy asoslari
Pedagogika fanining milliy asosi ta’lim muassasalarini har bir millatning milliy merosi bilan umuminsoniy, umumbashariy qadriyatlarni bog’lagan holda amalga oshirishdir. Har bir millatning o’ziga xoc meros va qadriyatlarga suyangan holda tarbiyashunoslik masasalarining milliy asosda yosh avlodga yetkazish mazmuni, shakli, metod va tamoyillarini milliylashtirishdir.
Demak, zamonaviy pedagogika fani haqli ravishda tabiatning oliy mahsuli - insonning ma’naviy - ma’rifiy jihatdan yetuk bo’lib shakllanishi, uning shaxs sifatida rivojlanishi va mustaqil fikr yurituvchi barkamol shaxs bo’lib yetishishi yo’lidagi qonuniyatlarni o’rgatuvchi fan sifatida jamiyatda o’z o’rnini topishi lozim. Bu esa, insoniyat o’zligini anglashga innovatsion yondashish faqat uning o’ziga, jamiyatga, tabiatga, munosabtlarida emas, balki uning faoliyatida ilmiy - amaliy, islohiy o’zgarishlar sodir etib, yangicha fikrlash asoslarini egallashga zamin yaratadi. Har qanday mutaxassis o’zligini anglash va fuqaro ma’naviy-intellektual salohiyati yuksak shaxs bo’lib yetishishi uchun pedagogika fani asoslaridan yetarlicha habardor bo’lishi shart.
Pedagogika fanining shaxs kamolatidagi o’rni
Tarbiya inson kamolotini belgilovchi asosiy omillardan hisoblanib, uning yordamida avlod intellektual salohiyati shakllanadi. Avlod intellektual salohiyati negizida esa jamiyat madaniyati, ma’rifati va eng asosiysi ma’naviyati shakllanadi va ular jamiyat taraqqiyoti darajalariga mos holda rivojlanib, takomillashib boradi. Bu borada ajdodlarimiz ichidan yetishib chiqqan intellektual salohiyatli hamyurtlarimiz-ziyolilarimiz ma’rifat, madaniyat va ma’naviyatni qanday qilib keyingi yosh avlodga o’rgatish, ya’ni ularni barkamollikka yetaklash yo’llari, vositalari, shakllari va xullas qonun-qoidalarini muntazam ravishda ijod qilib kelganlar. Bunday jamiyat taraqqiyoti darajalariga mos ravishdagi muntazam izlanishlar pedagogika fanining ro’yobga chiqishiga asosiy sabab bo’ladi. Chunki insonni ma’rifatli va ma’naviy komillikka erishishi pedagogika fanining yetakchiligida amalga oshiriladi.