1-mavzu: Pedagogika nazariyasi fanining mazmuni, maqsad, vazifalari va nazariy asoslari Reja

PEDAGOG - tarbiyachi, o’qituvchi, dars beruvchi.

PEDAGOGIK JARAYON - ta'lim masalalari, uning taraqqiyotini kashf qilishga qaratilgan, maxsus tashkil etilgan pedagog va tarbiyalanuvchilarning o’zaro munosabatlari.

PEDAGOGIK FAOLIYATGA YO’NALGANLIK - 1) shaxsning "pedagogik kasbga qiziqishi va faoliyatning ushbu turi bilan shug’ullanishga bo’lgan ishtiyoqi" (N.V. Kuzmina); 2) bolalarga bo’lgan munosabat, pedagogik mehnatga ishtiyoq, pedagogik kuzatuvchanlik qobiliyati (V.A. Slastenin). Demak, shaxsning pedagogik faoliyatga yo’nalganligi uning dunyoqarashi, pedagogik kasbga qiziqishi, u bilan shug’ullanishga bo’lgan layoqati bilan belgilanadi.

RIVOJLANISH - miqdor o’zgarishlaridan sifat o’zgarishlariga o’tishi, o’sish.

TARBIYA - keng ma'noda u yoki bu sifatlarning yoki ijtimoiy guruhlarning maqsadlariga muvofiq odamlarning yangi avlodlariga avval avlodlarning ijtimoiy - tarixiy tajribasini uzatish vositasi bilan jamiyatning rivojlanishini ta'minlaydi.

TARBIYA - ma'naviy manbalar va hozirgi zamon talablari va ehtiyojlarini nazarda tutgan holda o’qituvchining o’quvchi bilan aniq bir maqsadga qaratilgan o’zaro ommaviy va nazariy muloqotidir.

TA'LIM - shaxsning jismoniy va ma'naviy kamol topish jarayoni uning ongli ravishda ayrim ibratli faoliyatlarga yo’nalishi va tarixan maydonga kelib, ijtimoiy namuna bo’lishga har tomonlama barkamollikka intilish jarayoni tushuniladi. Ta'lim butun jamiyat va shaxslar hayotining ajralmas jihati sifatida namoyon bo’ladi.

TA'LIM - bu ta'lim oluvchiga maxsus tayyorlangan mutaxassislar yordamida bilim berish va ulardagi ko’nikma hamda malakalarni shakllantirish jarayoni bo’lib, u kishining shaxs sifatida hayotga va mehnatga ongli ravishda tayyorlash vositasi.

FAOLIYAT - ongli ruhiy faoliyat bilan boshqariladigan kishining ichki, tashqi faolligi.

FAOL TA'LIM - ta'lim jarayonida tarbiya beruvchi va ta'lim oluvchilarning ongli va faol ishtiroki, mustaqilligi hamda ijodiy qobiliyatlarini ta'minlovchi tizimiy-pedagogik jarayondan iborat. FT sharoitida o’zlashtirilgan bilim va ish harakat usullari mazmunan mukammal tizimli, mantiqan tugal va turli ishlab chiqarish vaziyatlarida qo’llanishga yaroqli bo’ladi. Bunda asosan quyidagi ta'lim metodlari foydalaniladi: bahs-munozara, fikrlashga jalb qilish, doskada mustahkamlash yoki pinbort, ishbilarmonlik, rolli o’yinlar, aqliy hujum, kitob (manbalar) bilan ishlash, tanqidiy fikr, muloqot-nazorat darsi va h.k.