1-Мавзу: Педагогик фаолиятда конфликтология масалалари. Режа

---

 
1-Мавзу: Педагогик фаолиятда конфликтология масалалари. 
 
Режа: 
1. Конфликтологиянинг моҳияти. Гурух раҳбари фаолиятида конфликт
тушунчаси. 
2. Конфликт ва унинг турлари. Шахс ва шахслараро конфликтлар.
3. Педагогик низолар ва уларнинг таснифи. 
 
Таянч сўзлар: Конфликт, зиддият, тўқнашув, можаро, низо, низоли 
вазият, руҳий ҳолат, тарбияланганлик даражаси, кайфият, деструктив 
ёндашув, деконструктив ёндашув, конфликтнинг давомийлиги, конструктив 
ёндашув, туркум фанлар, ижтимоий конфликт, педагогик конфликт, 
жисмоний зўравонлик, дилсиёҳлик, хафагарчилик, нафрат, қасос, 
менсимаслик, кибрли муносабат. 
1. 
Конфликтология - бу низоларнинг табиати, турлари, 
ўзгарувчанлиги, уларни олдини олиш ва ечими хақидаги соҳадир.
Конфликтология бошқача айтганда, низолар юзага келиши ва 
ривожланишининг қонуниятлари, механизмлари, шунингдек, уларни 
бошқариш тамойиллари, технологиялари хақидаги билимлар тизимидир.
Конфликт сўзи - лотинча “Conflictus” – сўзидан олинган бўлиб, 
«тўқнашиш» деган маънони билдиради.
Конфликт – бу шахслар ва гуруҳларнинг аҳамиятли мақсад, манфаат ва 
қадриятлар юзасидан вужудга келган қарама – қарши муносабатларни 
келишмаслигининг амалий фаолиятидир. 
Конфликт нима? Бу айрим алоҳида олинган шахс онгида ёки шахслараро
мулоқот жараёнида, гуруҳ доирасида ёки гуруҳлараро ўзаро мулоқот ва 
таъсир пайтларида бирор муаммо, масала ёки қарашлар борасида бир – 
бирига тўғри келмайдиган, қарама – қарши фикр, қараш ва позицияларнинг

---

тўқнашуви оқибатида пайдо бўлган салбий хиссиётларга тўла муносабатлар 
маромини билдирувчи ижтимоий психологик ходисадир.
Конфликт - бошқача айтганда, кенг маънода инсоннинг шахсий ва 
ижтимоий 
қатламларда 
ўзаро 
қарашлари 
ва 
фикрларини 
фарқланиши,манфаатларини тўқнашиши, томонларнинг ўз мақсадларига 
қарама-қарши курашининг ижтимоий алоқаларда объектив юз беришидир.