1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

Savollar-javoblar-munozara. Mashgʻulotdan bir necha kun oldin oʻqituvchi talabalarni navbatdagi oʻtiladigan mavzuning nomi bilan tanishtiradi va ulardan yozma ravishda savollar toʻplaydi. Mashgʻulotning birinchi qismi mavzuning asosiy jihatlarini bayon etish tarzida oʻtkaziladi va tinglovchilarning savollariga javoblar beriladi. Ularni rivojlantirish va toʻldirish asosida oʻqituvchi materialni bayon etadi. Mashgʻulotning ikkinchi qismi mazkur muammoga doir erkin fikrlar almashish shaklida oʻtadi va tinglovchilarning qoʻshimcha savollariga javoblar beriladi. YAkunida lektor (ma’ruzachi) munozara yakunlarini chiqaradi.
SHunday holatlar ham boʻladiki, tinglovchilardan juda kam savollar boʻladi yoki umuman boʻlmaydi. Buning sabablariga quyidagilar kiradi:

1. 
   oʻrganilayotgan materialni amaliyotda qoʻllash tinglovchilarda qiyinchilik tugʻdirmaydi; mazkur holatda odatdagi an’anaviy ma’ruzaning oʻzi etarli;
   
2. 
   mavzu umuman yangi, shuning uchun tinglovchilar hatto uni amaliyotda qoʻllash jarayonida duch keladigan qiyinchiliklarni tasavvur qila olishmaydi;
   
3. 
   tinglovchilar koʻrib chiqilayotgan muammoning chuqurligi va murakkabligini etarlicha baholay olishmaydi, oʻz tajribalariga ortiqcha baho berishadi.
   

Ishdagi faollikni oshirish uchun dasturlashtirilgan konsultatsiyani qoʻllash mumkin. U odatdagi guruhli konsultatsiyadan shunisi bilan farq qiladiki, bunda lektorning oʻzi tinglovchilarga savollar bilan murojaat qiladi.
Dastlab lektor tinglovchilardan savollarga javob soʻraydi, keyin esa xato va notoʻgʻri javoblarni tahlil etadi.
Dasturlashtirilgan konsultatsiya qoidaga muvofiq, ma’ruza va ma’ruzalar sikli tugaganidan soʻng oʻtkaziladi. Tinglovchilar materialni yaxshi oʻzlashtiradilar, ularda muammoni toʻgʻri hal etish algoritmi shakllanadi.
Dasturlashtirilgan konsultatsiyada har bir ishtirokchida qiziqish hosil qilish uchun qayta aloqadan foydalanish mumkin. Barcha ishtirokchilarga savol va ulardan biri toʻgʻri boʻlgan uch-besh javob taqdim etiladi. Qachonki, ma’ruzachi toʻgʻri javobni aytganda, notoʻgʻri javobni aytgan tinglovchilarda savol paydo boʻladi. Ma’ruzachi bunday holatda toʻgʻri javob bergan talabalardan oʻz javoblarini izohlab berishni yoki oʻzi savolni tushuntirib beradi.