1-mavzu. O‘zbekistonda loyiha boshqaruvi muhiti

Loyiha-smeta xujjatlarini ishlab chiqish loyiha-konstruktorlik kompaniyalari orqali amalga oshiriladi va u loyihalovchi deb yuritiladi. Bir loyiha bo‘yicha kompleks ishlar javobgarligi, odatda, bitta loyihalovchiga topshiriladi. U bosh loyihalovchi yoki bosh buyurtmachi deb yuritiladi. Bosh buyurtmachi loyihaning ma’lum bir qismini qo‘shimcha loyig‘achiga o‘tkazishi mumkin. Odatda ixtisoslashgan ish yoki xizmatlar shunday qo‘shimcha buyurtmachilarga o‘tkaziladi.

Loyiha zaruriy xom-ashyo va asbob-uskunalar bilan mol etkazib beruvchi orqali ta’minlanadi. Ular shartnoma asosida ish olib boradi yoki tanlov yo‘li bilan tanlanadi.

Ba’zan buyurtmachi maslahat xizmatlari ko‘rsatuvchi konsalting kompaniyasini jalb qilishi mumkin va u konsultant deb yuritiladi. Agar loyihani amalga oshirish jarayonida patentlangan ilmiy-texnik ishlanmalardan foydalanilsa, litsenziya beruvchining ruxsati zarur bo‘ladi.

Loyihani boshqarishda yakuniy iste’molchi buyurtmachi emas boshqa tashkilot yoki jismoniy shaxs bo‘lsa, u holda yana bir loyiha ishtirokchisi paydo bo‘ladi va u mijoz deb yuritiladi. Bevosita loyiha ishtirokchilaridan tashqari bilvosita ta’sir etuvchi tashqi omillar ham borki, ularga davlat idoralari, litsenziya tashkilotlari, banklar, raqobatchilar va boshqalarni kiritish mumkin.