1-mavzu. O‘zbekistonda loyiha boshqaruvi muhiti

Boshqaruv bo‘g‘ini bu - tashkilotning alohida yoki erkin boshqaruv idorasidir (ichki bo‘limlar). Bo‘limlar orasida o‘rnatilgan aloqa gorizontal tavsifga ega.

Boshqaruv darajasi - bu boshqaruv ierarxiyasida ma’lum darajani egallagan boshqaruv bo‘g‘inlari yig‘indisidir.

Tashkiliy struktura odamlar faoliyatining samaradorligiga bevosita ta’sir ko‘rsatadi. SHuning uchun tashkilotlarda tashkiliy strukturani tanlash va shakllantirish, rahbarlar faoliyatida eng muhim va zarur elementlardan biri xisoblanadi. Bu masala nafaqat tashkilotlar faoliyatini yangidan boshlaganda, balki faoliyat ko‘rsatayotgan va rivojlanayotgan tashkilotlarda ham hal qilinishi zarur. CHunki, tashqi muhitdagi yohud ichki omillardagi o‘zgarishlar tashkilot strukturasini ularga mos xolda o‘zgartirishni taqozo etadi.

Loyihalarni boshqarish samaradorligi ko‘p jihatdan tashkiliy tuzilmaga bog‘liq bo‘ladi. Tashkiliy tuzilma deganda odatda tashkiliy elementlar (lavozilar va tashkiliy bo‘linmalar) va ularning o‘zaro bog‘liqlig yig‘indisi tushuniladi. Lavozimlar va tashkiliy bo‘linmalar o‘rtasidagi aloqlar vertikal (ma’muriy-funksional) va gorizontal (tejnologik) bo‘ltsht mumkin. Vertikal aloqada ma’muriy qarorlar qabul qilish jarayoni ro‘y beradi. Gorizontal aloqada bevosita ishlarning bajarilishi amalga oshiriladi. Loyihalar bo‘yicha faoliyatning quyi darajasidagina vertikal hamda gorizontal aloqalar ajratilishi mumkin.

Tashkiliy tuzilmani tanlash va shu asosda loyihalash, tahlil qilish va yaratish bir tomondan mas’uliyatli, ikiinchi tomondan – murakkab, rasmiyatchilik bilan bog‘liq jarayondir. SHunga qaramay oxirgi paytlarda tashkiliy tuzilmani tanlash va shu asosda loyihalash va yaratishni samarali amalga oshirishning qulay vositalari yaratilgan.

Loyihalarni boshqarish tashkiliy tuzilmasini yaratishning umumiy tamoyillari quyidagilar bo‘lib, ularga amal qilish ishning samarasini ta’minlaydi:

• 
  Tashkiliy tuzilmaning loyiha ishtirokchilari o‘zaro munosabatlari hamda aloqlariga mos kelishi.
  
• 
  Tashkiliy tuzilmaning loyiha mazmuniga mos kelishi.
  
• 
  Tashkiliy tuzilmaning tashqi muhit talablariga mos kelishi.
  

1. 
   Tashkiliy tuzilma va loyiha ishtirokchilari o‘zaro munosabatlari tizimi.
   

Loyiha ishtirokchilari o‘zaro munosabatlari tizimi loyihaning kutilayotgan tashkiliy tuzilmasiga ma’lum bir talablarni qo‘yadi.