1-mavzu. O‘zbekiston milliy taraqqiyotining yangi bosqichida fuqarolik jamiyatining shakllanishi va rivojlanishi reja

Insert texnologiyasida qo‘llaniladigan maxsus jadval

№	Abzatslar	“Bilaman” V	“Ma’qul layman” +	“O‘rganish lozim”- -	“Tushunma dim” -?
1.	Ijtimoiy tarmoqlardagi g‘oyaviy tahdidlarga qarshi kurashning huquqiy asoslari	V
2.	Islom dinida buzg‘unchi g‘oyalarga murosasizlik		+

“Bilaman” - V - abzatsda berilgan ma’lumot shu kungacha o‘zlashtirilgan

bilimlarga mos kelsa;

“Ma’qullayman”- + - agar ma’lumotlar tushunarli va yangi bo‘lsa;

“O‘rganish lozim”- - agar ma’lumotlar o‘zlashtirilgan bilimlarga mos

kelmasa;

“Tushunmadim” - ? -o‘quv materiallarini o‘zlashtirishi qiyin bo‘lsa shu

belgilarni qo‘yadilar.

FSMU texnologiyasi. Bu metod ham bir necha faza yoki bosqichga bo‘lib qo‘llaniladi. SHuni nazarda tutib, FSMU texnologiyasi deb ham yuritiladi. Bu metod ham talabalarni mustaqil, erkin fikrlash va o‘z fikrini himoya qilishga, o‘quv jarayonida egallagan bilimlarini baholashga, bahslashish madaniyatini va unga rioya qilishni o‘rgatadi. O‘z fikrlarini aniq va qisqa ifodalab, uni tasdiqlovchi dalillar yoki inkor etuvchi fikrlarni bayon etishni o‘rganishga yordam beradi.

Bu metodda ham avvalgi metod kabi topshiriq avval har bir talaba tomonidan individual, so‘ngra kichik guruhlar hamda butun guruh bilan birgalikda bajariladi.

Masalan:

Qonun va uning mohiyati to‘g‘risidagi savolni muhokama qilganda, bu metoddan foydalanishni ko‘rib chiqaylik. Misol tariqasida tarqatilgan varaqdagi yoki amaliy mashg‘ulot (seminar) daftarida meni javobim quyidagicha bo‘lsin:

Vazifa: «Qonun oldida hamma barobarmi?»

F	Fikringizni bayon eting. Qonun ustuvorligi – huquqiy davlatning asosiy prinsipidir. U hayotning barcha sohalarida qonunning qat’iyan hukmronligini nazarda tutadi. Hech bir davlat organi, hech bir xo‘jalik yurituvchi va ijtimoiy siyosiy tashkilot, hech bir mansabdor shaxs, hech bir kishi qonunga bo‘ysunish majburiyatidan xalos bo‘lishi mumkin emas.
S	Fikringiz bayoniga biron sabab ko‘rsating. CHunki, qonun va asosiy hujjat Konstitutsiyada aks ettirilgan me’yorlarga barcha amal qilishi shart. Qonun ustuvorligi - demokratik jamiyat barpo etishning asosi bo‘lib ham xizmat qiladi.
M	Ko‘rsatilgan sababni isbotlovchi misol keltiring. oddiy insonlardan tortib, to mansabdor shaxslargacha qonunni chetlab o‘z iqtisodiy, ijtimoiy-siyosiy va ma’naviy-ma’rifiy ehtiyojlarini qondirishga qaratilgan harakatlar qilish jarayonini vujudga keltiradi. Bu salbiy jarayonlarning oldini olmasa juda noxush holatlarni keltirib chiqarishi mumkin.
U	Fikringizni umumlashtiring. Bulardan shunday xulosa chiqarishim mumkinki, Qonunga og‘ishmay itoat etilgan jamiyatdagina demokratiya qaror topadi va yanada mustahkamlanadi. Qolaversa, barcha demokratik institutlar, inson huquqi va erkinliklari qonun vositasi bilan joriy etiladi. Qonunda xalqning irodasi, xohish va istaklari, manfaat va intilishlari o‘zining ifodasini topadi. Qonunga itoatkorlik – bu yuksak madaniyatlilik, ma’naviyatlilik, ma’rifatlilik belgisidir.

Keyingi bosqichda kichik guruh a’zolarining fikri FSMU varag‘ida aks ettiriladi. Ular asosida qanday umumiy xulosaga kelish va kichik guruh taqdimotida bayon qilishga kelishib olinadi. Kichik guruhda hamma o‘z fikri bilan o‘rtoqlashib, bu hisobga olinmagan tomonlar qayd etiladi.

O‘qituvchi darsni yakunlar ekan, aytilgan fikrlarga o‘z munosabatini bildiradi. Ularga murojaat qilib, bugungi darsdan nimalarni bilishgani, bu metodni qachon, qanday qo‘llash mumkinligi va boshqa savollar beradi. Talabalar va kichik guruhlarning faoliyatini baholaydi.