1-mavzu: “Mikroiqtisodiyot” fanining predmeti va o’rganish uslubi “Mikroiqtisodiyot” fani

1 dollarning diskontirlangan (keltirilgan) qiymati.

Foiz	Yillar
stavkasi	1	5	10	20
0,01	0,990	0,951	0,905	0,820
0,05	0,952	0,784	0,614	0,377
0,10	0,909	0,621	0,386	0,149
0,15	0,870	0,497	0,247	0,061
0,20	0,833	0,402	0,162	0,026

Jadvaldan ko’rish mumkinki, foiz stavkasi qancha yuqori bo’lsa, bir dollarning joriy diskontirlangan (boshlang’ich yilga keltirilgan) qiymati shuncha kichik bo’ladi. Masalan, foiz stavkasi 5% bo’lganda, 10 yildan keyin oladigan dollarning bugungi qiymati 61,4 tsentga teng bo’ladi, 10 foizlik stavkada esa ushbu ko’rsatkich 38,6 tsentga va 20% bo’lganda 16,2 tsentga teng bo’ladi.

Vaqt bo’yicha diskontirlangan (boshlang’ich vaqtga keltirilgan) daromadni qaraymiz. Faraz qilaylik, bizda ikki xil daromad bor. Birinchisini "A" deb belgilasak, ikkinchi daromadni "V" deylik. "A" daromad 400 so’mga teng bo’lib, uning 200 so’mi hozir to’lanadi, qolgan 200 so’mi bir yildan keyin to’lanadi. "V" daromad 440 so’m bo’lib, uning 40 so’mi bugun to’lanadi, 200 so’mi bir yildan keyin, qolgan 200 so’mi ikki yildan keyin to’lanadi. Ushbu ikki variantdan qaysi biri foydaliroq hisoblanadi? Javob: foiz stavkasiga bog’liq. Ushbu daromadlarni boshlang’ich vaqtga keltirilgan qiymatini hisoblaymiz.