1-mavzu: “Mehnat ta’limini o’qitishda innovatsion pedagogik texnologiyalar” fanining predmeti, maqsadi va vazifalari

7-vaziyat.
«Men sezyapmanki - Siz o’tayotgan darslarning menga foydasi tegmayapti. 
SHuning uchun darslaringizga umuman kelgim kelmayapti», - dedi talaba o’qituvchiga. Sizning 
javobingiz qanday bo’ladi? Javob variantlari: 
1) «Bekorchi (foydasiz) gapni gapirma!»; 
2) «Obbo, shunchalikka bordingmi-a!»; 
3) «Balki o’zingizga boshqa o’qituvchini toparsiz?»; 
4) «Nima uchun Sizda shunday istak vujudga kelganligini bilmoqchi edim, bafurja so’zlab 
bering»; 
5) «Keling, birgalikda Sizning oldingizda turgan muammoni hal etaylik!»; 
6) «Balki Sizning muammongizni boshqacha yo’l bilan hal etarmiz»; 
7) . . . . . . . . . . . . . . . 
8-vaziyat.
Talaba o’qituvchiga ochiqchasiga «Men qila olmaydigan ishning o’zi yo’q. Siz 
o’qitayotgan faningizni o’zlashtirish ham men uchun hech gap emas», - deya ishonch bilan 
aytadi. Sizning javobingiz: 
1) «Siz o’zingizga juda yuqori baho berar ekansiz»; 
2) «Sizning qobiliyatingizni hisobga olsam bunga ishonmayman!»; 
3) «Siz shunday der ekansiz, demak, o’zingizga ishonasiz»; 
4) «Ha, shubhasiz, agar Siz xohlasang, albatta, ko’zlagan maqsadingga erisha olishingizni 
bilaman»; 
5) «Bu Sizdan katta kuch va Texnologiyani talab qilsa kerak»; 
6) «O’ziga nisbatan ortiqcha ishonch bildirish ishni amalga oshirishda zarar etkazadi»; 
7) . . . . . . . . . . . . . . . 

---

83 
9-vaziyat.
O’qituvchi tomonidan rag’batlantirish eshitgan talaba o’quv fanini o’zlashtirishi 
uchun ko’p shug’ullanishi zarur emas deb hisoblab, o’rtoqlariga: «Meni etarli darajada 
qobiliyatli inson deb hisoblaydilar», - dedi. o’rtoqlarining o’rnida bo’lganingizda unga qanday 
javob bergan bo’lar edingiz? Javob variantlari: 
1) «Bunga munosibligiga shubham bor»; 
2) «Sen hozirgacha o’zlashtirgan bilimlarning va muammolarning echimini topishdagi 
qiyinchiliklar bunday deyishingga asos bo’la olmaydi»; 
3) «Ko’pgina insonlar o’zini qobiliyatli deb hisoblaydilar, aslida esa bu fikrdan yiroq 
bo’ladilar»; 
4) «O’zing haqingda ijobiy fikrda ekanligingdan xursandman»; 
5) «Unda o’qishga yanada jiddiy yondashishing kerak bo’ladi»; 
6) «Fikringga qaraganda sen o’z qobiliyatingga ishonqiramay gapirayotganga o’xshaysan»; 
7) . . . . . . . . . . . . . . .