1-мавзу: математика фанини ўҚитишнинг илғор халқаро тажрибалари ва фанни ўҚитишга қЎйилаётган замонавий талаблар

4-синф ўқувчиларига тақдим этилган топшириқларидан намуналар

1. 
   Баскетбол бўйича уч мингта чипта 1 дан 3000 гача рақамланган. Рақамлари 112 билан тугайдиган чипталарга эга томошабинлар совринни қўлга киритадилар. Барча совринли чипталарнинг рақамларини ёзинг.
   
2. 
   Иваннинг боғида байроқ бор. Баъзан осиб қўйилган байроқ шимолга қараб ва баъзан бошқа томонга қараб ҳилпирайди. Байроқни нима ҳилпирашга мажбур қилади?
   
3. 
   Ер, Марс, Ой, Қуёш осмон жисмларининг қайси бири энг иссиқ?
   
4. 
   Агар завод дарёга катта миқдорда иссиқ сув қўшса, дарёда балиқ ва ўсимликлар билан нима содир бўлиши мумкинлигини ёзинг.
   

8-синф ўқувчиларига тақдим этилган топшириқларидан намуналар

1. 
   Саккизинчи синфда 30 нафар ўқувчи бор. Синф рўйхатидан тасодифий танланган ўқувчининг 13 ёшдан кичик бўлиши эҳтимоллиги 1/5 ни ташкил этади. Бу синфда нечта ўқувчининг ёши 13 ёшдан кичик?
   
2. 
   Кўзойнак ва контактли линзаларнинг қандай қилиб яхши кўришларига ёрдам беришини қисқача изоҳланг.
   
3. 
   Олия мактабга шамоллаб борди. Бир неча кундан сўнг, мактабдаги дўстларининг ярми ҳам касал бўлиб қолди. Ўқувчиларнинг бир қисми касал бўлиб қолгани, қолганларининг эса касал бўлмаганини тушунтириб берадиган энг асосий сабабни айтинг.
   

TALIS (The Teaching and Learning International Survey) – раҳбар ва педагог кадрларнинг умумий ўрта таълим муассасаларида ўқитиш ва таълим муҳитини ҳамда ўқитувчиларнинг иш шароитларини ўрганади.
PIRLS (Progress in International Reading and Literacy Study) халқаро тадқиқоти – бошланғич мактаб 4- синф ўқувчиларининг матнни ўқиш ва тушуниш даражасини ўрганади ва баҳолайди.

2.STEAM ТЕХНОЛОГИЯЛАРИ

Таълим - мамлакат келажагининг кўзгуси. Давлат ўзининг кучли томонларини, ривожланиш зоналарини кўриб, миллий таълим дастурини тўғридан-тўғри таълим тизимининг пойдеворига мослаштиради. Саноатлаштириш даврида саводхонлик ва иш қобилиятлари муҳим аҳамиятга эга эди. Постиндустриал даврда ёшлар ривожланишининг технологик жиҳатлари олдинга чиқди. Натижада рақамли инқилоб - Интернет, компютерлар, ахборот технологиялари юзага келди.
Ўзбекистон Республикаси Президентининг 2018 йил 5 сентябрдаги “2018–2021 йилларда Ўзбекистон Республикаси халқ таълими тизимини янада такомиллаштириш бўйича чора-тадбирлар дастури тўғрисида”ги №ПҚ–3931- сон қарорида таълим сифатини яхшилаш ва инновацион таълим технологияларини жорий этиш вазифаси белгиланган. Унга кўра илғор жаҳон тажрибасига таяниб, янги давлат таълим стандартлари ва умумий ўрта таълим ўқув дастурларини, шу жумладан STEAM усулини босқичма-босқич жорий этиш ва такомиллаштириш кўзланган. Республикамизнинг ҳар бир ҳудудида иқтидорли ёшларни аниқлаш мақсадида Президент мактаблари очилади, улар STEAM дастурида ўқитишга ихтисослашган бўлади.