1-мавзу: математика фанини ўҚитишнинг илғор халқаро тажрибалари ва фанни ўҚитишга қЎйилаётган замонавий талаблар

PISA тадқиқотлари

PISA (Programme for International Student Assessment) Ўқувчилар билимини баҳолаш халқаро дастури, 15 ёшли болаларнинг математика, табиий фанлар ва она тилидан ҳаётий кўникмаларни эгаллаганлигини ўрганишга қаратилган тадқиқот.
PISA тадқиқотлари 2000 йилдан бошланган ва ҳар уч йилда ўтказилади.
Тадқиқот натижалари иштирокчи мамлакатлар ўқувчилари таълим ютуқлари, таълим тизимида ўзгаришлар, ўрта таълим ислоҳотининг асосий йўналишларини шакллантириш ва уларнинг амалга ошириш учун тўсиқларни аниқлаш, натижаларнинг ўзгариш динамикасини кузатиш ва танқидий таҳлил қилиш имконини беради.
Халқаро PISA тадқиқотларининг мақсади 15 ёшли ўқувчиларнинг математика ва табиий фанлар бўйича ҳамда она тили бўйича саводхонлигини баҳолашдан иборат. Тадқиқот мактаб ўқув дастурларини ишлаб чиқиш даражасини белгилашга эмас, балки ўқувчилар ҳаёт шароитида ўқитиш жараёнида олинган билим ва кўникмаларни қўллаш қобилиятини баҳолашга қаратилган.

2015 йилги PISA тадқиқотларида қатнашган давлатлар географияси
Шу билан бирга, тадқиқот иштирокчи мамлакатлар ўқувчиларининг натижаларидаги фарқларни тушунтирувчи омилларни ўрганади.
PISA тадқиқоти баҳолаш топшириқлари тўплами қуйидагиларни ўз ичига олади: тест топшириқлари тўплами; таълим муассасалари ўқувчилари учун сўровномалар; таълим ташкилотларини бошқариш учун сўровномалар; тест ёки сўров ўтказадиган шахс учун қўлланма; таълимни ташкил этиш координатори учун қўлланма; тест топшириқларини, маълумотларни киритиш, қайта ишлаш ва баҳолаш бўйича қўлланма.
Тадқиқот натижаларига статистик ишлов бериш натижасида ҳар бир ўқувчи 1000 балли тизимда қуйидаги меъзонлар бўйича баҳоланади:

• 
  Кундалик турмушда юзага келадиган реал муаммоларни аниқлаш ва уларни математикадан фойдаланиб ҳал қилиш;
  
• 
  муаммоларни математика тилида ифодалаш;
  
• 
  муаммоларни математик билимлар ва усулларни қўллаш орқали ҳал қилиш;
  
• 
  ишлатилган усулларни таҳлил қилиш;
  
• 
  муаммонинг ечимини тушунтириш;
  
• 
  ҳал этиш натижаларини шакллантириш ва қайд этиш.
  

2015 йилги PISA тадқиқотлари натижалари