1 Mavzu; Maktabgacha ta’limda metodika fanlarini o’qitish jarayoni yaxlit tizim sifatida. Mavzu rejasi

“Eng katta 
boylik – bu aql-zakovat va ilm, eng katta meros – bu yaxshi tarbiya, eng katta 
qashshoqlik – bu bilimsizlikdir!
” Darhaqiqat, ilm-ma’rifatsiz taraqqiyot 
bo‘lmaydi. Shu o‘rinda yaponiyalik tadqiqotchi, bola ruhiyatining bilimdoni Masaru 
Ibukaning “Uchdan keyin kech” kitobini eslashni joiz deb bilaman. Uning fikriga 
ko‘ra, katta yoshdagilar qiyinchilik bilan o‘rganadigan narsalarni, bolalar o‘ynab 
ilg‘ab olishadi. Ushbu jarayonning asosi aynan ta’limni o‘z vaqtida bera 
boshlashdadir. Darhaqiqat, so‘nggi tadqiqotlarda inson miyasining imkoniyatlari 
nihoyatda kengligi, ta’lim va tarbiya bolaga qanchalik erta berilsa, u shunchalik 
o‘zining ijobiy samarasini berishi isbotlanmoqda.“Ta’lim to‘g‘risida”gi Qonunning 

---

8- moddasi 
Maktabgacha ta’lim va tarbiya
deb atalib, quyidagicha ta’rif 
keltirilgan; 
“Maktabgacha ta’lim va tarbiya bolalarni o‘qitish va tarbiyalashga, ularni 
intellektual, ma’naviy-axloqiy, yetik, estetik va jismoniy jihatdan rivojlantirishga, 
shuningdek bolalarni umumiy o‘rta ta’limga tayyorlashga qaratilgan ta’lim turidir
. 
Maktabgacha ta’lim va tarbiya olti yoshdan yetti yoshgacha bo‘lgan bolalarni 
boshlang‘ich ta’limga bir yillik majburiy tayyorlashni ham nazarda tutadi”.Bu 
vazifalar bo’lajak pedagog tarbiyachidan ulkan aqliy salohiyat, bilim va ijodiy 
qobiliyatga ega bo’lishni taqazo etadi. 
Bilim, ko‘nikma, malakalarni avloddan- avlodga qoldirish jarayoni kishilik 
jamiyatiga xos ijtimoiy hodisa sifatida yuzaga keladi va o‘qitish deb ataladi.Jamiyat 
taraqqiyotida katta xajmdagi ilmiy bilimlar, ko‘nikmalarning to‘planishi, fanlarning 
rivojlanishi tufayli tabaqalanish yuz berib, o’sib kelayotgan avlodni o‘qitish ishi 
amalga oshiriladigan ikki yo‘nalish xosil bo‘ldi.
Birinchi yo‘nalish;Kattalar va bolalar orasidagi munosabatning turli xildagi 
keng faoliyatlarida bilim, ko‘nikma va malakalarni yetkazilishini ta’minlaydi biroq, 
rivojlangan jamiyatda bu yo‘l asosiy bo‘lishi mumkin emas. 
O‘qitishning ikkinchi yo‘li- o‘quv yurtlarida yosh avlodga ilmiy bilimlar 
sistemasini va hilma- xil ko’nikmalarni uyushgan, rejalashtirilgan va sistemali 
tarzda yetkazish xisoblanadi. Didaktika - pedagogikaning sohasi sifatida bilim, 
ko‘nikma va malakalarni yetkazishga oid uyushgan faoliyat qonuniyatlarini 
o‘rganadi hamda o‘qitish jarayonini yo‘lga qo‘yishga oid normativ talablarni ishlab 
chiqadi. Turli fanlarga o‘qitishning o‘ziga xos jixatlarini xususiy didaktikalar yoki 
metodikalari o‘rganadi, bular esa didaktika sohalari bo‘lib xisoblanadi.
Xozirgi paytda barcha o‘quv fanlari bo‘yicha fan metodikalari yaratilgan va 
ishlab chiqilmoqda.Ushbu dastur maktabgacha ta’lim bakalavriyat talabalari uchun 
mo‘ljallangan bo‘lib,bakalavr ta’lim yo‘nalishida tahsil oluvchi talaba metodika 
fanlarini o‘qitish texnologiyasi fanining maqsad va vazifalari, fanning mazmuni 
haqidagi tushuncha, fanning amaliy va tashkiliy vazifalari, asosiy tamoyillari, 
o‘quv-me’yoriy xujjatlar va metodik ishlar, ularni rejalashtirish, tashkil etish va 
tayyorlashning nazariy asoslari, davlat ta’lim standartining tuzilishi va mazmuni 
haqidqgi bilimlarini mustahkamlaydi. O‘quv rejasi, fan va ishchi dasturlarga 
qo‘yiladigan talablar, pedagogik texnologiyalar, ma’ruza turlari va ularga qo‘yilgan 
talablar haqida mukammal bilimga ega bo‘ladilar.