1-Мавзу: махсус фанлар ва уларнинг ўзига хосликлари

Махсус фанларни ўқитиш методикаси фанининг тадқиқот методлари.

Махсус фанларни ўқитиш муаммоларига қаратилган илмий изланишлар ўтказишдан мақсад ўқитиш ва ўргатишнинг, самарали методларни ишлаб чиқиш ва амалда қўллаш, ахборот-техник воситаларни қўллашга доир масалаларни ечишни ўрганишдан иборатдир. Илмий изланишлар олиб бориш учун ўқитувчида фаннинг мазмунини чуқур билишни талаб этилади. Кўпчилик бўлажак педагоглар талабалик вақтларидаёқ педагогик изланишлар билан шуғулланадилар. Фан бўйича методик кўрсатмалар, макетлар, мустақил ишлар учун материаллар тайёрлайдилар. Илмий анжуман ва семинарларда маърузалари билан қатнашиб, ўзларининг педагогик маҳоратларини ошириб борадилар.
Илмий педагогик изланишлар жараёнини шартли равишда қуйидаги босқичларга бўлиш мумкин:

1. 
   Ўқитувчининг адабиётларни ўрганиш ва амалий ишлар асосида муаммоларни аниқлаши.
   

Ўқитувчи адабиётларни ўрганиш давомида қуйидагиларни аниқлаши керак:

• 
  ўрганилаётган муаммо тўғрисида адабиёт муаллифининг фикр- мулоҳазаси;
  
• 
  ўрганилаётган муаммо тўғрисида усуллардан фарқли равиш киритган таклифлари;
  
• 
  адабиётларда қайси асосий масалалар ёритилмагани;
  
• 
  муаммони ечиш учун олиб бориладиган изланишлар.
  

Қуйидагилар ўқитиш жараёнида юзага келадиган муаммолар ҳисобланади:

• 
  ўқитувчи дарс жараёнида дуч келадиган қийинчиликлар;
  
• 
  камчилик ва қийинчиликларнинг юзага келиш сабаблари.
  

2. 
   Ўқитишни босқичма-босқич ташкил этиш.
   
   • 
     Далилларни таққослаш орқали асосланган таклифлар берилади.
     
3. 
   Изланиш натижаларини расмийлаштириш ва ўқув жараёнида қўллаш.
   

Махсус фанларни ўқитиш методикасида илмий изланишларнинг умумий ва махсус усуллари қўлланилади.
Умумилмий усулларга назарий изланиш, кузатиш, суҳбат, педагогик сўров, тест, сўровномалар,статистик маълумотларни таҳлил қилиш ва бошқалар киради.