1-Мавзу. "Корхоналарни ривожлантириш стратегияси" фанининг

3- Мавзу. Иқтисодиётни модернизациялаш шароитида 
корхоналар фаолият юритишининг стратегик моделлари 
 
3.1 
Иқтисодиётни модернизациялаш шароитида замонавий 
стратегиялар ва уларнинг турлари. 
3.2 
Корхоналар фаолият юритишининг стратегик моделлари. 
3.3. 
Замонавий стратегияларни қўллашнинг чет эл тажрибаси. 
3.4. 
Корхоналари фаолияти самарадорлигини оширишда 
замонавий стратегиялардан фойдаланиш. 
3.1.Иқтисодиётни модернизациялаш шароитида замонавий 
стратегиялар ва уларнинг турлари 
Иқтисодиётни модернизациялаш шароитида ишлаб чиқариш 
корхоналари фаолиятини самарали ташкиллаштиришни талаб қилади. 
Бунда стратегик моделларнинг ўрни алоҳида аҳамият касб этади. 
Ишлаб чиқариш корхоналарида стратегик моделлардан фойдаланиш 
механизмини такомиллаштириб бориш зарур.
Ишлаб чиқаришни ривожлантиришнинг стратегик вазифаларини 
тушуниш учун аввало унинг мазмуни, мақсади ва натижаси 
нималигини билиш мақсадга мувофиқдир. Ишлаб чиқариш жараёни – 
бу кишилик жамиятининг яшаши ва ривожланиши учун зарур бўлган 
моддий ва маънавий неъматларни яратишга қаратилган мақсадга 
мувофиқ фаолиятдир. Моддий ва маънавий неъматлар яратиш, турли 
хизматлар кўрсатиш жараёни кишилар иқтисодий фаолиятининг 
асосий томонидир. 

---

109 
Маълумки, ҳар қандай ишлаб чиқариш, биринчи навбатда, 
меҳнат жараёнидир ёки бошқача қилиб айтганда, табиатдаги бор 
нарсаларнинг кўринишини ўзгартириб, ўзининг истеъмолига 
мувофиқ ҳолга келтириш учун қилинган меҳнат фаолиятидан 
иборатдир. Масалан, кишилар табиатда мавжуд бўлган ердан 
фойдаланиб турли хил деҳқончилик, чорвачилик маҳсулотларини 
етиштирадилар. Ўрмонлардаги дарахтлардан фойдаланиб, уларнинг 
шаклини ўзгартириб, турли хил ёғоч буюмлар ясайдилар, уйлар 
қурадилар. Ер бағрида (конларда) мавжуд бўлган турли рудалар 
(темир, мис, руҳ, қўрғошин ва ҳ.к.), минерал хомашёлардан 
фойдаланиб, ўзлари учун зарур истеъмол буюмлари, ишлаб чиқариш 
воситалари яратадилар. Ана шу меҳнат жараёнида кишилар, энг 
аввало, табиат билан, унинг кучлари ва ашёлари билан ҳамда ўзаро 
бир-бирлари билан маълум муносабатда бўладилар. 
Ишлаб 
чиқариш 
ва 
хизмат 
кўрсатиш 
жараёнларини 
ривожлантириш бўйича ҳаракатлар стратегиясида белгиланган 
вазифаларни амалга ошириш жараёнининг бориши ва унинг 
дастлабки натижалари мамлакатимиз Президенти Ш.Мирзиёевнинг 
Олий мажлисга мурожаатномасида қисқа, аниқ ва лўнда қилиб 
кўрсатиб ўтилган. Унга асосан, мамлакатимизни ривожлантириш 
бўйича қабул қилинган ҳаракатлар стратегиясида белгиланган 
вазифаларни бажаришга шиддат билан киришилиб, самарали 
ислоҳотларни амалга ошириш йўлида дастлабки қадамлар қўйилди. 
Ишлаб чиқаришни модернизация ва диверсификация қилиш бўйича 
қатор қонунлар, фармон ва қарорлар, пухта ўйланган дастурлар қабул 
қилиниб, улар изчил амалга оширилмоқда. 

---

110