1-Мавзу. "Корхоналарни ривожлантириш стратегияси" фанининг

5.4. Ўзбекистон Республикасининг янги эркин иқтисодий 
зоналари. 
Кичик саноат зоналари улар жойлашган худудларни 
ривожлантиришга катта имкониятлар яратади. Хусусан, саноат ишлаб 
чиқаришни жадаллаштиради, ҳудудларни тадбиркорлик учун 
инвестицион жозибадорлигини оширади, янги инвестиция ва янги 
технологияларни 
жалб 
қилишга, 
тадбиркорлик 
фаолиятини 
рағбатлантиришга ва уларни ривожланишига кенг имкониятлар очиб 
беради, жамият учун ўлик юк бўлиб ётган бўш майдонлардан реал 
иқтисодий секторни ривожлантириш орқали улардан самарали 
фойдаланишга, аҳоли учун иш жойларини яратишга, ҳамда янги 
рақобатбардошли маҳсулот ишлаб чиқаришга олиб келади. 
Мамлакатимизда эркин иқтисодий ва кичик саноат зоналарини 
вужудга келтириш, жумладан уларнинг фаолиятини тартибга солувчи 
мустаҳкам 
норматив-ҳуқуқий 
базани 
шакллантириш, 
эркин 
иқтисодий ва саноат зоналарини ривожлантиришга хорижий ҳамда 
маҳаллий инвестицияларни жалб этиш имконини берадиган солиқ, 
божхона имтиёзлари ва енгилликларининг кенг тизимини яратиш 
борасида аниқ мақсадга йўналтирилган кенг кўламли ишлар амалга 
оширилди. 

---

187 
Бугунги кунда мамлакатимизда кичик саноат зоналарининг сони 
100 тага етган бўлиб, уларда умумий қиймати 990 миллиард сўмга 
тенг 711 лойиҳа амалга оширилган, 15 мингдан зиёд янги иш ўрни 
яратилган. Кичик саноат зоналарида фаолият кўрсатадиган 
корхоналарга, киритиладиган инвестициялар ҳажмига қараб, солиқ ва 
божхона имтиёзлари ҳамда преференциялар қўлланмоқда. Уларда 
фаолият кўрсатаётган корхоналарга барча қулай шарт-шароит 
яратилмоқда. Жумладан, кичик саноат зонасида фаолият кўрсатувчи 
субъектлар 2 йил барча солиқлардан озод этилган. Шунингдек, 
йиллик пул айланмаси энг кам иш ҳақининг 2 минг бараваридан кам 
бўлмаганда ва ишлаб чиқарилаётган маҳсулотнинг камида 30 фоизи 
экспорт қилинганда, мазкур корхона қўшимча равишда яна 2 йилга 
солиқлардан озод этилиши белгилаб қўйилган
38
.