1-mavzu: konstitutsiya asosiy qonunimiz darsning maqsadi

“O‘zbekiston Respublikasining Davlat madhiyasi to‘g‘risida”gi qonunga yangi kiritilgan 13-moddaga ko‘ra, O‘zbekiston fuqarolari, shuningdek yurtimizda bo‘lib turgan boshqa shaxslar O‘zbekiston Respublikasining Davlat madhiyasini hurmat qilishi shart. Bularning barchasi xalqimizning eng mo‘tabar qo‘shig‘iga bo‘lgan chuqur hurmat-ehtirom ifodasidir.

Shu jarayonda qonun asosida O‘zbekiston Respublikasining Ma’muriy javobgarlik to‘g‘risidagi kodeksiga yangi 2031- modda kiritildi. Mazkur modda davlat ramzlari to‘g‘risidagi qonun hujjatlarini buzish bilan bog‘liq munosabatlarni tartibga soladi, bu holat uchun ma’muriy javobgarlikni belgilaydi. O‘zbekiston Respublikasi yoki Qoraqalpog‘iston Respublikasining Davlat bayrog‘i, Davlat gerbi yoxud Davlat madhiyasi to‘g‘risidagi qonun hujjatlarini buzish fuqarolarga eng kam ish haqining uch baravarigacha, mansabdor shaxslarga esa – uch baravaridan yetti baravarigacha miqdorda jarima solishga sabab bo‘ladi.

…Muazzam madhiyamiz sadolari bilan tongni qarshi olamiz, har kuni gerbimiz tasviri tushirilgan milliy valutadan foydalanamiz, sportchilarimiz bayrog‘imizni baland hilpiratganda ko‘nglimiz g‘urur-iftixorga to‘ladi. Bularning barchasi qalbimizga ona suti, allasi va ulug‘ ajdodlarimiz o‘giti bilan kirgan bemisl milliy qudrat, yuksak intellekt, mustahkam irodani eslatib turadi. Davlat ramzlariga oid qonunchilikning yanada takomillashgani esa bu boradagi ishlarning muhim huquqiy asosi bo‘lib xizmat qiladi. Zotan, o‘z milliy timsollarini ulug‘lagan xalq hamisha mag‘rur bo‘ladi. Bunday xalqning yo‘li oydin, kelajagi buyukdir.

IV; Mustahamlash; o’tilgan mavzu boyisha sovollar beriladi
1. Ramzlar davlatga nega kerak?
2. Tarkibiga O‘zbekiston ham kirgan xalqaro tashkilotlar
ramzlari haqida nimalarni bilasiz?
3. Davlat bayrog‘idagi tasvirda asosiysi nima?
4. O‘zbekiston Respublikasining davlat ramzlari haqida
nimalarni bilasiz?