1-mavzu: konstitutsiya asosiy qonunimiz darsning maqsadi

O‘zbekiston Respublikasining Davlat gerbi
«Gerb» so‘zi nemischa «erbo» so‘zidan kelib chiqqan bo‘lib, «meros» sifatida tarjima qilinadi. Gerb egasining tarixiy an’analarini ifodalovchi ramziy ahamiyat berilgan tasvirdir.
Madhiya (gimn) — millatni birlashishga da’vat etuvchi tantanavor qo‘shiqdir.
«Gimn» so‘zining o‘zi esa grekchadir. Qadim-qadim zamonlardayoq ilohlar va qahramonlarni madh etuvchi qo‘shiqlar shunday atalgan. Asrlar o‘tgani sayin matnlar ham o‘zgarib bor-di. Ularning mazmunini ezgu va yuksak g‘oyalarni madh etish,
abadiylashtirish ko‘proq tashkil eta boshladi.
Mustaqil va ozod O‘zbekiston Respublikasining Davlat madhiyasi 1992-yil 10-dekabrda tasdiqlangan.

“O‘zbekiston Respublikasining Davlat madhiyasi to‘g‘risida”gi qonunga ham tegishli o‘zgartish va qo‘shimchalar kiritildi.

Bu o‘zgartishlarning alohida e’tiborlisi – xalqimizning eng mo‘tabar qo‘shig‘ini tinglash bilan bog‘liq. Garchi hozirga qadar davlatimiz madhiyasi yangraganda xalqimiz uni tik turgan holda o‘ng qo‘l kaftini chap ko‘kragiga qo‘yib, ichki hurmat va ehtirom bilan tinglasa-da, bu holat qonuniy jihatdan belgilanmagan edi. Madhiyamizga oid qonunning 7-moddasi yangi tahrirda bayon etilishi bu boradagi barcha masalaga oydinlik kiritdi.

Unga ko‘ra, O‘zbekiston Respublikasining Davlat madhiyasi ko‘pchilik huzurida ijro etilganda, agar qonun hujjatlarida boshqacha qoida belgilanmagan bo‘lsa, hozir bo‘lgan kishilar madhiyani tik turib va o‘ng qo‘l kaftini ko‘krakning chap tomoniga qo‘yib, harbiy yoki davlatning boshqa xizmatidagi maxsus kiyimdagi shaxslar esa qo‘lini bosh kiyimiga qo‘yib tinglaydi. Agar O‘zbekiston Respublikasi Davlat madhiyasining ijro etilishi O‘zbekiston Respublikasi Davlat bayrog‘ining ko‘tarilishi bilan birgalikda amalga oshirilsa, hozir bo‘lgan kishilar bayrog‘imizga yuzi bilan buriladi.

– Xalqimiz azal-azaldan barcha xayrli ishni o‘ng bilan boshlaydi va bu rostlik, ezgulik tantanasini ifodalaydi, – deydi O‘zbekiston davlat jahon tillari universiteti 3-akademik litseyning ona tili va adabiyot o‘qituvchisi Nurmuhammad Nahanov. – Har gal o‘quvchilarimizning o‘ng qo‘lini ko‘ksiga qo‘yib madhiyamizni tinglayotganini ko‘rsam, ichki mamnuniyat ularning yuzida ham zuhur etganiga amin bo‘laman. Davlatimiz madhiyasini tinglash madaniyatining yozma tarzda ifodalangani, shubhasiz, yoshlarimiz kamolotiga xizmat qiladi, ularga hamisha milliy iftixorimizni eslatib turadi.