1-Mavzu: Kirish. Mehnatni muhofaza qilish fanining asosiy mazmuni, maqsadi va vazifalari

Birinchi yordam - kuyganda birinchi yordam ko‘rsatish uchun tezlikda tez yordamni chaqirish va kuygan joyga ho‘llangan sochiq yoki boshqa bironta matoni bosish lozim. Bu kompress ustiga suv quyib, uni doim sovuq tutib turing. Aks holda darrov isib, qurib qoladi. Jabrlanuvchidan uzuk, soat kabi buyumlarni imkoni boricha tezroq, shish paydo bo‘lgunga qadar echib olish kerak.

Agar kuygan joy katta bo‘lsa, butun jarohatlangan joyni birvarakay sovutishga urinmang, bu hol jabrlanuvchining tana harorati umumiy pasayib ketishiga olib kelishi mumkin. Kuygan joyning bir qismini sovitib, qolgan joyiga toza mato yopib qo‘yish mumkin. Kuyganda ko‘pchiligimiz xonadonda sevib o‘stiradigan aloe o‘simligi ham yordam berishi mumkin. Agar bu o‘simlik bo‘lmasa, u holda qirg‘ichdan o‘tkazilgan kartoshkani kuygan joyga qo‘yish ham yordam beradi. Har 3-4 daqiqada kartoshka qatlamini o‘zgartirib turish lozim bo‘ladi.

Uy sharoitida va ishlab chiqarishda kimyoviy moddalardan kuyish hodisasi ro‘y berishi mumkin. Bunday kuyish oqartiruvchi moddalar, suv oqib chiqib ketadigan quvurlarni, vanna, hojatxonani tozalash vositalari, bo‘yoqni yuvib ketkazuvchi moddalar yoki bog‘dorchilikda ishlatiladigan kimyoviy moddalar ta’sirida yuzaga kelishi mumkin. Kimyoviy vositalardan kuyishda:

• 
  kislotadan kuyganda - zararlangan joyni avval 20 daqiqa davomida sovuq suv oqimida tutib turish, keyin sovun eritmasi bilan yuvish kerak;
  

• 
  ishqor bilan zararlanganda - sovuq suv oqimida yuvib, toza mato bilan yopish kerak;
  

so‘ndirilmagan ohak bilan - zarar ko‘rgan joyga yog‘, moy surish kerak.