1-mavzu: kasb psixologiyasining predmeti reja

Pedagogik qobiliyat - pedagog tomonidan pedagogik faoliyatni oqilona tashkil etilishi va olib borilishini, amaliy vazifalarning samarali bajarilishini ta'minlashda ahamiyatli bo‘lgan xususiyatlardir.
Pedagogik qobiliyatga xos xususiyatlar:
- pedagogik takt - pedagogning talabalar bilan turli faoliyat shakllari bo‘yicha tashkil etiladigan muloqotda mavjud axloqiy tamoyillar, hulq-atvor qoidalarga rioya qilishi, ularga to‘g‘ri yondashish malakalariga egaligi;
- pedagogik kuzatuvchanlik - pedagogning talabalarga xos bo‘lgan hatto eng oddiy xususiyatlarni ham payqab olish qobiliyatiga egaligi;
- talabalarga bo‘lgan muhabbat - ularga mehr qo‘yish , mehribonlik ko‘rsatish, ichki kechinmalari, his-tuyg‘ulari, orzu-umidlari, hayotiy intilishlari bilan o‘rtoqlashish, ular uchun qiyin bo‘lgan vaziyatlarda g‘amxo‘rlik qilish;
- bilimlarni uzatishga bo‘lgan ehtiyoj - pedagog sifatida o‘zidagi mavjud bilimlarni talabalarga berishga intilish.
Pedagogik qobiliyatlarning asosiy turlari - didaktik qobiliyatlar:

• 
  perseptiv qobiliyat;
  
• 
  tashkilotchilik qobiliyati;
  
• 
  kommunikativ qobiliyat;
  
• 
  akademik qobiliyatlar;
  
• 
  nutq qobiliyati;
  
• 
  avtoritar qobiliyat;
  
• 
  pedagogik hayol.
  

Zamonaviy sharoitda har bir o‘qituvchi o‘zida quyidagi pedagogik qobiliyatlarni tarbiyalay olishi kerak:

• 
  muloqotga kirishuvchanlik;
  
• 
  hissiy sezgirlik (kasbiy ziyraklik, boshqalarga hamdard bo‘la olish, ichki sezgiga ega bo‘lish);
  
• 
  harakatchanlik - ta'lim jarayoni ishtirokchilariga irodaviy ta'sir ko‘rsatish va ishontirish qobiliyatiga egalik;
  
• 
  hissiy barqarorlik (o‘z-o‘zini tuta bilish, o‘z-o‘zini boshqarish, o‘z-o‘zini nazorat qilish);
  
• 
  kelajakni maqbul holda bashoratlay bilish;
  
• 
  kasbiy mustaqillik, ijodiy qobiliyatga egalik;
  

Shaxsning eng etakchi va nufuzli faoliyatlaridan biri muloqot. Muloqotning yana bir muhim vazifasi - u odamni u yoki bu faoliyatga hozirlaydi, ruhlantiradi. Muloqot odamlarning jamiyatda o‘zaro hamkorlikdagi faoliyatlarining ichki psixologik mexanizmini tashkil etadi.