1-Мавзу. Жаҳон таълим тизими фани предмети, мақсади ва вазифалари.(2 соат)

 “Илм, маърифат ва рақамли иқтисодиётни ривожлантириш йили”, деб ном берилиши ҳамда Инновациялар Вазирлигининг ташкил этилиши бу масалаларнинг нақадар долзарблигидан далолат беради⁵.
Давлатимиз раҳбари Шавкат Мирзиёев томонидан қабул қилинган Ўзбекистон Республикаси Фанлар академияси академиклари фаолиятини такомиллаштириш ва рағбатлантириш тўғрисидаги Фармонида мамлакатимиз ижтимоий-иқтисодий тараққиётида илм-фаннинг ўрнини янада мустаҳкамлаш, академиклар фаолиятини ҳар томонлама қўллаб-қувватлаш, юқори малакали илмий кадрлар тайёрлаш сифатини оширишни рағбатлантириш мақсадида бир қатор муҳим чора-тадбирлар белгиланган.
“Илм-фан билан шуғулланиш, янги кашфиёт ва ихтиролар қилиш игна билан қудуқ қазишдек гап”⁶, - деб кўрсатади Президентимиз. Шундай экан, бу машаққатли соҳада фидокорона меҳнат қилаётган олимларимиз меҳнати таҳсин ва рағбатга муносиб.
Мамлакатимиз ва жамиятимизнинг замон талаблари даражасида ривожланишини илм-фансиз тасаввур қилиш қийин. Илм-фан тараққиётида фундаментал тадқиқотлар муҳим аҳамият касб этади. Айнан улар орқали янги билимлар ўзлаштирилади ва назариялар шакллантирилади, келгуси амалий тадқиқотлар ва инновацион ишланмалар учун мустаҳкам асос яратилади. Бугунги замон барча соҳалар қаторида илм-фанни ҳам янги босқичга кўтаришни талаб қилмоқда.
Бугунги кунда таълим тизимини янада такомиллаштириш орқали маънавий ва жисмоний етук, барча соҳалардаги ўзгаришларга баҳо беришда ўзининг қатъий позициясига, чуқур билим ва кенг дунёқарашга, кучли иродага эга бўлган ватанпарпар кадрларни тайёрлашга катта эътибор берилмоқда.
Мамлакатимиз мустақилликка эришганидан сўнг таълимнинг мустаҳкам ҳуқуқий асослари яратилиб, улар республикамиз Конституцияси ва 2020 йил 23 сентябрь куни қабул қилинган “Таълим тўғрисида”ги Қонунларда ўз ифодасини топган.
Биз кенг кўламли демократик ўзгаришлар, жумладан, таълим ислоҳотлари орқали Ўзбекистонда янги Уйғониш даври, яъни Учинчи Ренессанс пойдеворини яратишни ўзимизга мақсад қилиб белгиладик⁷.
Демак, ҳозирги даврда олий таълим самарадорлигини ошириш, мутахассисларнинг касбий компетентлик даражасини ошириш, педагог кадрларни инновацион фаолиятга йўналтириш, олий таълим муассасаларидаги ўқув жараёнига инновацион таълим ва ахборот-коммуникация технологияларини татбиқ этиш, илғор хорижий тажрибаларни тадбиқ этиш олий таълим тизимини модернизациялашнинг муҳим вазифаларидан бири ҳисобланади. Бугунги кунда узлуксиз таълим-тарбия жараёнларида кўплаб самарали технологиялардан фойдаланиб, таълим сифатини кўтаришга эришилмоқда.

1^Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси. 24 январь 2020 йил.

2^Ўзбекистон Республикаси Президентининг "Ўзбекистон Республикасини янада ривожлантириш бўйича Ҳаракатлар стратегияси тўғрисида"ги 4947-сонли Фармони “Халқ сўзи”, 2017 йил 8-февраль.28 (6722)-сон.

3^ Ўзбекистон Республикаси қонун ҳужжатлари тўплами, 2017 й., 6-сон.

4^Ўзбекистон Республикаси Президенти Шавкат Мирзиёев раҳбарлигидаги 2019 йил 19 мартда ўтказилган видеоселектор мажлиси 12-сонли баёни.

5^ Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси. 24 январь 2020 йил.

6^ Ўзбекистон Республикаси Президенти Шавкат Мирзиёевнинг 2016 йил 30 декабрда Фанлар академияси академиклари билан учрашувидан // Халқ сўзи, 2016 йил 31 декабрь.

7^ Ўзбекистон Республикаси Президенти Ш.Мирзиёевнинг “Ўқитувчи ва мураббийлар куни”га бағишланган тантанали маросимдаги нутқи. 30.09.2020 й.