1-mavzu. Iqtisodiyot nazariyasi fanining predmeti va bilish usullari

Takrorlash uchun savollar va topshiriqlar
1. Ishlab chiqarish usuli nima va uning tarkibiy qismlari 
nimalardan iborat? 
2. Ishlab chiqarish usullarining eng muhim oʻziga xos belgilarini ajratib koʻrsating. Bir ishlab chiqarish 
usulining boshqasiga almashinishi sabablari haqida mulohaza bildiring. 3. Ishlab chiqarish texnologik 
usulining tarkibiy qismlarini sanab koʻrsating. Fan-texnika 
taraqqiyotining ishlab chiqarish texnologik usuliga ta’siri qanday? Ishlab chiqarish texnologik usullarining 
bosqichlari bir-biridan nima bilan farqlanadi? 4. Iqtisodiy tizim nusxalarini farqlantiradigan asosiy 
belgilarini sanab koʻrsating. 
5. Mulkchilikning mohiyatiga ta’rif bering va uning turli shakllarining iqtisodiy mazmunini tushuntiring. 
Mulkchilikning iqtisodiy va huquqiy mazmunini ajratib koʻrsating. 
6. Mulk sub’ektlarining koʻp darajali boʻlishiga sabab nima? Mulkchilik shakllarining farqlanishi asosida 
nima yotadi? 
7. Bozor iqtisodiyotiga oʻtish nima uchun mulkchilikning turli shakllarini taqozo qiladi? Davlat mulkini 
uning tasarrufidan chiqarish va xususiylashtirish nima uchun hozirgi bosqichda 
ob’ektiv zaruriyat hisoblanadi? Xususiylashtirish bosqichlari va shakllariga tavsif bering. 8. 
Xususiylashtirishning qanday usullarini bilasiz? Bu usullardan birini tanlab olishga 
qanday omillar ta’sir koʻrsatadi? 
4-MAVZU. TOVAR-PUL MUNOSABATLARI RIVOJLANISHI BOZOR IQTISODIYOTI
SHAKLLANISHI VA AMAL QILISHINING ASOSIDIR
Oldingi mavzularda ishlab chiqarishning umumiy, 
hamma bosqichlariga xos boʻlgan qonun-qoidalari va tushunchalarini, ijtimoiy tizimlar va mulk 
shakllarining oʻzgarib turishini koʻrib chiqdik. Lekin, ayrim iqtisodiy jarayonlar tarixiy tavsifga ega 
boʻlsada, uzoq davrlar davomida saqlanib qolishi mumkin. Jumladan, insoniyat tarixiy taraqqiyotining 
koʻpgina bosqichlarida ijtimoiy-iqtisodiy shakllarning ayrim turlari uzoq vaqt mavjud boʻladi. Masalan, 
ibtidoiy jamoa tuzimi yemirilayotgan sharoitdayoq vujudga kelgan tovar ayirboshlash bir ishlab chiqarish 
usulidan boshqasiga oʻtib, bir necha ming yillardan beri amal qilib, rivojlanib kelmoqda. Shu bilan birga 
biron-bir ijtimoiy-iqtisodiy shaklning turli tarixiy davr sharoitidagi mazmuni, oʻrni, roli va ijtimoiy 
oqibatlari koʻp jihatdan turlicha boʻladi. Lekin ularning umumiy, eng xususiyatli belgilari saqlanib qoladi. 
Shu sababli mavzuni ijtimoiy xoʻjalik, ya’ni ijtimoiy ishlab chiqarish shakllarini tahlil qilishdan boshlaymiz. 
Keyin tovar va uning xususiyatlari, tovar qiymatining miqdori, uni aniqlashga boʻlgan yondoshuvlar, 
pulning vujudga kelishi, mohiyati va vazifalari yoritiladi.