1-мавзу. Информатика ва ахборот технологиялари фанидан ўқув адабиётлар таҳлили

Компетенция – кўзланган натижаларга эришиш учун билим, кўникма ва малакаларни қўллай олиш қобилиятини намойиш этишни билдиради. АКТ компетентлилик- инсонлар учун муҳим компетенция ҳисобланиб, компьютер, телекоммуникация воситалари ва Интернет имкониятларидан фойдаланган ҳолда турли муаммо ва масалаларни ҳал этишда намоён бўлади
АКТ­компетентлилик – ўқувчиларнинг ахборотли жамиятда ўз ўрнини муносиб эгаллаш ва муваффақиятли меҳнат фаолияти билан шуғулланишлари учун ахборотга эга бўлиш, уни излаш, қайта ишлаш, баҳолаш, яратиш ва узатишни амалга оширишда ахборот ­ коммуникация технологияларидан самарали фойдалана олиш қобилияти ва лаёқати
Ўқувчиларда АКТкомпетентлиликни шакллантириш ва ривожлантириш – информатика ва ахборот технологиялари фанига оид компетенцияларни ҳамда фойдаланувчилик компетенцияларни, яъни ҳамкорлик қилиш ва мулоқотни амалга ошириш, билимларни мустақил равишда эгаллашни ва уларни АКТдан фойдаланган ҳолда амалиётда қўллашни шакллантириш ва ривожлантиришни ўз ичига олади. PISA тадқиқотлари турли мамлакатлардаги таълим тизимларида юз берадиган ўзгаришларни аниқлаш ва таққослаш ҳамда таълим самарадорлигини бахолаш имконини беради. PISA таълим сифатини мониторинг қилиш тўртта асосий йўналиш бўйича амалга оширилади: ўқиш саводхонлиги, математик саводхонлик, табиий илмий саводхонлик ва АКТ компетентлиги.


Информатика фанига оид компетенциялар: Ахборотларни электрон воситаларда йиғиш компетенцияси –Ахборот манбаларини билиш, ахборотларни саралаш, ахборотни тасвирлаш, ахборотни кодлаш, ахборотли модель, ахборотни қайта ишлаш воситалари, таълимий ахборот ресурслар, Интернет, Интернетдан маълумотларни олиш усуллари. Ахборот билан ишлашда одоб-ахлоқ нормалари, мультимедиа технологиялари, ҳужжат яратиш, электрон почта орқали мулоқот қила олиш ва вируслардан ахборотни ҳимоя эта олиш лаёқатини ҳосил қилиш.
1. Электрон воситаларда ахборотларни қайта ишлаш компетенцияси- матнли ахборотни таҳрирлаш (форматлаш, график элементларни ясаш, жадваллар ҳосил қилиш, формулалар киритиш) график ахборотни таҳрирлаш (график файлларда матн киритиш ва уни форматлаш, график шаклларни ўзгартириш, ранглар билан ишлаш, анимация сценарийларини ёза олиш, файлларни архивлаш (rar, zip архиваторларни ишлата олиш)ва ҳ.к. лаёқатини ҳосил қилиш.