1-мавзу: «иионинг жамо¬ат тартибини саќлаш ва жамоат хавфсизлигини таъмин¬лаш фаолияти¬ни бош¬ќариш» ўќув курси¬нинг пред¬мети, вазифаси ва тузилиши

Савол ва топшириқлар 
1.
Ички ишлар органлари тизимида патруль-пост хизмати саф бўлин-
масининг тутган ўрни ва аҳамиятини ёритиб беринг. 
2.
Ички ишлар органлари патруль-пост хизмати саф бўлинмалари-
нинг тизими ва тузилишини тушунтириб беринг.
3.
Патруль-пост хизмати саф бўлинмалари фаолиятини бошқариш-
нинг ҳуқуқий асослари бўлган норматив-ҳуқуқий ҳужжатларнинг мазмун-
моҳиятини тушунтириб беринг. 
4.
Патруль-пост хизмати саф бўлинмалари куч ва воситаларни 
бошқариш босқичлари ва уларни ташкил этишни ёритиб беринг.
5.
Патруль-пост хизмати саф бўлинмалари куч ва воситалар фаолияти-
ни бошқариш учун масъул субъектлар ва уларнинг функцияларини 
тушунтириб беринг. 
6.
Патруль-пост хизмати саф бўлинмалари раҳбарларининг саф бўлин-
малари нарядларининг иш фаолиятини ташкиллаштириш бўйича фаолияти-
ни тушунтириб беринг. 
7.
Патруль-пост хизмати саф бўлинмалари томонидан фуқаролар 
гавжум бўладиган жойларда жамоат тартибини сақлаш ва жамоат хавф-
сизлигини таъминлаш борасидаги хизматларни шартномавий-ҳуқуқий 
асосда амалга ошириш тартибини ёритиб беринг. 

---

166 
 
V боб. МАХСУС МУАССАСАЛАР, КОНВОЙ ВА НАЗОРАТ-
ЛИЦЕНЗИЯ БЎЛИНМАЛАРИНИНГ ЖАМОАТ ТАРТИБИНИ 
САҚЛАШ ВА ХАВФСИЗЛИГИНИ ТАЪМИНЛАШ
ФАОЛИЯТИНИ БОШҚАРИШ 
1-§. Ички ишлар органларининг махсус муассасаларининг 
тушунчаси ва турлари 
 
Ички ишлар органларининг жамоат тартибини сақлаш ва таъминлаш, 
жиноятчилик ва бошқа ҳуқуқбузарликларга қарши кураш фаолиятида 
жиноят содир этганликда гумон қилинаётган ва айбланаётган шахс-
ларни ушлаб туриш ва қўриқлашда, маъмурий тартибда қамоқ жазоси 
тайинланган суд қарорлари ижросини таъминлашда, муайян яшаш 
жойига эга бўлмаган шахсларни реабилитация қилишда, шунингдек, 
уларни сақлаш ва моддий-маиший, тиббий таъминлашда ички ишлар 
органларининг махсус муассасалари алоҳида ўрин эгаллайди.
 
Бундай 
фаолиятни ташкил қилиш ички ишлар органларида муҳим аҳамият 
касб этади. 
Ўзбекистон Республикасининг 2007 йил 15 июлдаги «Қамоққа 
олишга санкция бериш ҳуқуқини судларга ўтказилиши муносабати 
билан Ўзбекистон Республикасининг айрим қонун ҳужжатларига 
ўзгартириш ва қўшимчалар киритиш тўғрисида»ги Қонуни ва бошқа 
қонуности меъёрий ҳуқуқий ҳужжатларга асосан, Республика ички 
ишлар органларининг махсус муассасаларининг иш фаолиятини янада 
такомиллаштириш, гумон қилинувчи айбланувчи, ва қамоққа олинган 
шахсларнинг ишончли қўриқланишини таъминлаш, улар билан боғлиқ 
бўлган фавқулодда ҳолатлар содир этилишининг олдини олиш, вақтинча 
сақлаш ҳибсхоналарини техник жиҳатдан мустаҳкамлаш, жиҳозлаш, 
сақланаётган шахслар ҳамда хизматга жалб этилаётган шахсий таркиб 
учун зарур шарт-шароитлар яратиш борасида бугунги кунда бир 
қанча ишлар амалга оширилмоқда. 
Ички ишлар органлари фаолиятида жиноят содир этганликда 
гумон қилинаётган ва айбланаётган шахсларни қўриқлаш ва сақлаш 
муҳим йўналишлардан бири бўлиб, мазкур функцияни бажаришда 
йўл қўйилган камчилик ва хатолар, одатда, ички ишлар органлари 
ходимлари ва бошқа фуқароларнинг ҳалок бўлиши, табель ўқотар 
қуроли, ўқ-дорилар, хизмат автотранспортининг эгаллаб олиниши 
ҳамда жамиятда салбий фикр уйғотадиган, умуман, ички ишлар 

---

167 
органларининг обрў-эътиборига салбий таъсир кўрсатадиган бошқа 
оғир оқибатлар билан кечадиган фавқулодда ҳодисаларга олиб келиши 
мумкин. 
Ички ишлар органлари махсус муассасаларига: а) 
тергов ҳибс-
хоналари; б) вақтинча сақлаш ҳибсхоналари(ВСҲ); в) муайян яшаш 
жойига эга бўлмаган шахсларни реабилитация қилиш марказлари; 
г) маъмурий қамоққа олинган шахсларни қабул қилиш ва сақлаш 
учун мўлжалланган махсус қабулхоналари; д) вояга етмаганларга 
ижтимоий ҳуқуқий ёрдам кўрсатиш марказларини киритишимиз мумкин. 
Ички ишлар органларининг махсус муассасалари фаолияти 
жамиятда жамоат тартиби ва хавфсизлигини, ҳуқуқбузарликлар 
профилактикасини, содир этилган жиноятларнинг самарали фош 
этилишини, шунингдек, ҳуқуқбузарлик учун уни содир этган шахсга 
нисбатан суд томонидан белгиланган эҳтиёт чораси ва тайинланган 
жазонинг ўрганилган тартибда ижросини таъминлашга хизмат қилади.
