1-mavzu. Fanning predmeti, maqsadi, vazifasi va rivojlanish tendensiyalari

1-MAVZU. FANNING PREDMETI, MAQSADI, VAZIFASI VA RIVOJLANISH TENDENSIYALARI
1.1. Fanning predmeti va vazifalari.
1.2. Fanning asosiy bo‘limlari.
1.3. Fanning asosiy maqsadi va uni talqin etish tartibi.
1.4. Ob’ektiv va sub’ektiv iqtisodiy qonunlar,
1.5. Iqtisodiy jarayonlar, xo‘jalik elementlari, hodisa va faktlarni kuzatish jarayoni, boshqarish xususiyatlari.
1.6. Ilmiy tadqiqot faoliyati va ilmiy muasasalar.


1.1. Fanning predmeti va vazifalari
Kursni urganish predmeti – ilmiy-tadqiqot faoliyati. U o‘ziga nazariya, uslubiyotni va uslubini ilmiy bilish, boshqacha aytganda faoliyatni bilishning shakli sifatida ilmning nazariy muommasi, shunindek ilmiy tadqiqotning asosiy uslublari
Ilm-fan, uning xalq xo‘jaligidagi o‘rni va kelajagi.
Fan jamiyatimizning ishlab chiqaruvchi kuchidir. Hozirgi vaqtda xalq xo‘jaligining biron – bir sohasi yo‘qki, u o‘z faoliyati jarayonida ilm-fanning natijalarini, uning yutuqlarini tadbiq qilmagan bo‘lsin.
Ilm-fan shunday tez rivojlanmoqdaki, kechagi hayollar bugun haqiqatga aylanmoqda: kosmik kemalar, kompyuterlar, Internet, texnikaning barcha sohalari va h.k. Bularning hammasi hozirgi zamon ilmiy-texnika yutuqlariga asoslanadi.
Bugungi qishloq xo‘jalik korxonasining faoliyati hozirgi zamon fani talablariga to‘la javob beradigan va ilmiy asoslangan bo‘lishi kerak. Misol uchun bugungi zamonaviy fermer xo‘jaligini oladigan bo‘lsak, unda nafaqat boqilayotgan mollar, parrandalar balki barcha ishlab chiqarish vositalari, ularga texnik xizmat ko‘rsatish va tuzatishni tashkil etish ham hozirgi zamon fani talablariga to‘la javob berishi va ilmiy asosda tashkil etilishi kerak.
Bu nima degani?

• 
  Mehnatni ilmiy asosda tashkil etish;
  
• 
  YUqori hosil olish uchun yangi texnologiyalar joriy etish;
  
• 
  Qishloq xo‘jalik texnikalarining holatini aniklash, (diagnostika), texnik qarov va tuzatishda yangi usullarni tadbiq qilish;
  
• 
  ishlab chiqarish jarayonida mashinalashtirish va kompyuterlashtirishni qo‘llash va hokazo.