1-mavzu. Fanning predmeti, maqsadi, vazifasi va rivojlanish tendensiyalari

Fanning ishlab chiqarishdagi o‘rni. “Ilmiy tadqiqot ishini tashkil etish” fani qishloq xo‘jalik korxonalari ishlab chiqarishini rivojlantirish bilan chambarchas bog‘liq bo‘lib, qishloq xo‘jalik korxonalari boshqaruvida va fermer xo‘jaligida ishlab chiqarish jarayonini, jumladan yuqori hosil olish, birlamchi qayta ishlash, mehnat unumdorligini oshirish, texnik vositalardan unumli foydalanishda ilmiy yondoshish va ilm-fan yutuqlarini qo‘llash yordamida qishloq xo‘jalik korxonalarining rivojlanishini ta’minlashga xizmat qiladi.
Fanni o‘qitishda zamonaviy axborot va pedagogik texnologiyalar. “Ilmiy tadqiqot ishini tashkil etish” fani ma’ruza o‘qish va amaliy mashg‘ulotlar o‘tkazish yo‘li bilan amalga oshiriladi.
Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, texnologiyalar majmuasi, elektron materiallar, virtual stendlar va maketlaridan foydalaniladi. Ma’ruza, amaliy darslarida mos ravishdagi pedagogik va axborot texnologiyalaridan foydalaniladi.


1.4. Ob’ektiv va sub’ektiv iqtisodiy qonunlar, xo‘jalik jarayonlari,.
Ilmiy tadqiqot iqtisodiy qonunlarni ham o‘rganadi.
Iqtisodiy qonun – iqtisodiy hayotning turli tomonlari, iqtisodiy hodisa va jarayonlar o‘rtasidagi doimiy, takrorlanib turadigan, barqaror sabab-oqibat aloqalarini, ularning o‘zaro bog‘liqligini ifodalaydi.
Iqtisodiy qonunlar ob’ektiv xususiyatga ega bo‘lib, ularning kelib chiqishi, amal qilishi, rivojlanishi va barham topishi alohida kishilarning ongiga, ularning xohish-irodasiga bog‘liq emas.
Iqtisodiy qonunlarni quyidagi guruhlarga turkumlaydi:
Iqtisodiy qonunlarning turkumlanishi

1 2 3 4 5 … va hokazo

1. Umumiy iqtisodiy qonunlar – kishilik jamiyati rivojlanishining barcha bosqichlarida amal qiladi. Masalan, vaqtni tejash qonuni, ehtiyojlarning tez o‘sib borish qonuni, takror ishlab chiqarish qonuni, ishlab chiqarish munosabatlarining ishlab chiqaruvchi kuchlar xususiyati va rivojlanish darajasi mos kelishi qonuni va boshqalar.