1-mavzu: Fanini maqsadi. Himoyalangan yer inshootlarini turlari

Ishni bajarish tartibi: Talabalar himoyalangan joy kombinatlarini bosh rejasi bilan tanishib chiqqandan so‘ng, quyidagi ishlarni bajaradilar:

• bu vazifa aniq maydonga ega bo‘lgan issiqxona kombinati bosh rejasini ishlab chiqishga bag‘ishlanadi. Bunda vaqtincha foydalaniladigan, kichik hajmli, plyonka bilan qoplanadigan qurilmalarini hisobga olgan holda issiqxona turkumi, vazifasi, foydalanish muddati, qoplagich va sinchlarni turi, inshootlar maydoni, shamolning yo‘nalishi ko‘rsatiladi;

  
  

• vazifaga muvofiq, talabalar 1:1000 masshtabda olingan issiqxona qurilma-larini va yordamchi binolarini rasmini chizib, ularni joylashtirib chiqishlari kerak va bularga tushuntirish xatlari yozishlari lozim;

  
  

• millimetrli qog‘ozda bajariladigan bu rasmda issiqxona turi, yor-damchi xonalar, energetika tarmoqlari, tuproq aralashmasini tayyorlaydigan va saqlaydigan maydonlar, yo‘llar, shamoldan saqlanish uchun ekiladigan daraxtlar yo‘nalishi ko‘rsatilishi kerak.

  
  

Rasmda har bir qurilish bo‘limlari uchun o‘lcham bo‘yicha binolar orasida-gi masofa va asosiy o‘lchamlari qo‘yib chiqiladi. Rasmni chizishda yorug‘lik tushishiga ko‘ra issiqxona nishabining yo‘nalishi, kuchli shamol yo‘nalishini hisobga olgan holda, shamoldan saqlanish uchun ekiladigan daraxtlarni joylashtir-ish, ularning qator orasidagi masofa 2,5 m, qatordagi daraxtlar orasida esa 1,5-2 m bo‘lishi lozim. Jami inventar maydonga nisbatan qurilish maydoni belgilangan kattaligini, kichik hajmli plyonka bilan qoplangan inshootlar uchun 2 barobar, parnik va blokli issiqxonalar uchun 2-2,5 barobar, angar issiqxonalar uchun 3-3,5 barobar bo‘lishi kerak. Qishki angar issiqxonalar orasidagi masofa 5-7 m, qishki blokli issiqxona uchun esa 1,4 m bo‘lishiga e’tibor berish kerak.

Maydonda qurilish bo‘limlarini to‘g‘ri joylashtirishga e’tibor berish lozim. Baland binolarni maydonning shimol tomonidan yoki kuchli shamol yo‘nalishi bo‘yicha joylashtirish kerak, ular o‘simlik o‘stiriladigan inshootlarga soya tushir-masligi kerak, ulardan janubroqqa esa qishki, yana ham janubroqqa katta hajmdagi plyonkali inshootlar va shundan so‘ng kichik hajmli vaqtincha foydalaniladigan plyonka bilan qoplangan qurilmalar joylashtiriladi.

Tushuntirish xatida talaba qanday namunaviy loyihani tanlagan, rasmda joylashtirilgan har bir qurilish bo‘limini ko‘rsatadi. Bunda har xil maqsadga mo‘ljallangan yordamchi binolar uchun talab qilinadigan maydon bo‘yicha hisoblar ko‘rsatiladi.