1-mavzu. Falsafaning fan va dunyoqarashga doir mohiyati. Reja

Falsafa fani qanday muammolarni hal etishni o‘z oldiga maqsad qilib qo‘yadi?
Falsafiy bilimlar doirasi juda keng bo‘lib, ular quyidagi muammolarini o‘z ichiga oladi:
a) ontologiya – borliq haqidagi qarashlar;
b) sotsiologiya – jamiyat haqidagi qarashlar;
v) gnoseologiya – borliqni bilish muammolari;
g) inson muammosi;
d) aksiologiya – qadriyatlar to‘g‘risidagi ta’limotlar;
e) logika (mantiq) - inson tafakkuri qonunlari haqidagi qarashlar tizimlaridir.
SHuningdek, axloqiylik va go‘zallik haqidagi bilimlar tizimini o‘z ichiga oladigan etika va estetika ham falsafiy bilimlar qatoriga kiradi.
Falsafiy tafakkur rivoji insoniyat taraqqiyoti bilan uzviy bog‘liq jarayondir. Ma’lumki, hayotdagi voqea hodisalarning barchasi ijtimoiy ongda aks etadi. Taraqqiyot jarayonida davrlar o‘zgarishi bilan unga xos ma’naviy, huquqiy, siyosiy va falsafiy mezonlar ham shakllana boshlaydi. Ammo bu o‘z-o‘zidan yuz bermaydi.
Ayniqsa, inson tafakkurining o‘zgarishi dunyoqarashning yangicha tamoyillarga ega bo‘lishi uzoq davom etadigan murokkab jarayondir. Bu hol bizning kunlarimizda ham yaqqol namoyon bo‘lmoqda.
Hozirgi kunda jamiyatimizda istiqlol g‘oyalariga asoslanadigan yangi dunyoqarashni shakllantirish asosiy vazifa bo‘lib turibdi. Zero, inson dunyoqarashini, uning asosiy tamoyillarini o‘zgartirmasdan, yangi jamiyatni qurish qiyin.
2.Dunyoqarashning tuzilishi. Dunyoqarashning tarixiy shakllari.
Falsafa – dunyoqarash sifatida. Uning shakllari.
Dunyoqarash nima? Falsafa - dunyoqarash to‘g‘risidagi fandir. Dunyoqarash tushunchasi - bu avvalo inson o‘zini va dunyoni zaruriy ravishda anglashi, tushunishi, bilishi va baholashi natijasida yuzaga kelgan xulosalari, bilimlari asosida shakllangan umumlashmalar tizimidir.
Dunyoqarash qanday ko‘rinishlarga ega?

• 
  Mifologik, diniy va falsafiy dunyoqarashlar dunyoqarashning tarixiy shakllarini tashkil qilib ular bir-biridan farq qiladi.
  
•