1 мавзу: “Фалсафа ўқитиш методикаси” фанининг предмети, мақсади ва вазифалари

хусусий 
фан сохаларидан бири эмас, балки дунёқарашдир. Дунёқараш сифатида 
унинг мазмуни
нафақат фаннинг барча соҳалари билан, балки маънавий 
маданиятнинг барча соҳалари билан ҳамда амалиёт билан узвий боғлиқ 
бўлиши зарур. Демак, бошқа фан ўқитувчилари ўз дарсларида одатда асосан
ўз фанлари, хатто ўз фанларининг тор сохалари мазмунига кирадиган билимга 
таяниб дарс ўтишлари етарли бўлса, фалсафа ўқитувчиси билимнинг барча 
соҳаларига таяниши ҳамда амалиётнинг хамма қирраларини ҳисобга олиши 
зарур.
Яъни 
фалсафа ўқитувчиси махсус фан ўқитувчиларидан фарқли 
ўлароқ фақат бир фаннинг эмас, балки барча фанларнинг олий 
билимдони, яъни 
Форобий, Ибн Сино, Берунийлар каби 
қомусий олим 
бўлиши, 
барча махсус фан соҳаларининг янги ғоялари, кашфиётларини 
англаб бориши, 
бу билимларни диалектик 
умумлаштирган ҳолда фалсафий 
дунёқарашга тегишли тўлдириш ва тузатишлар киритиб, уни ривожлантириб 
бориши, 
айни пайтда 
кишилар дунёқарашини тўғри йўналишга солиб бориш 
баробарида бу жараённи амалдаги мафкура ва таълим-тарбиянинг бош 
йўналишлари билан мувофиқлаштириб туриш каби бир муҳим вазифалари 
ҳам борлигини ҳамиша назарда тутиши зарур.
Масалан, дунё ва инсон ҳамда улар орасидаги муносабат масалалари 
ҳақида фикрлаш, ижодий мушоҳада қилиш, шунга мос илмий ижод ва амалий 
ишлар билан шуғулланиш фақат чин фалсафий маданият учун энг кўп 
даражада хосдир. Зеро, файласуф "дунё нима" деган саволни қўяр ва ечар экан, 
дунё ҳақида (моддий ва маънавий дунё хақида) барча фанлар эришган 
ютуқлардан, "инсон нима" деган саволни қўяр экан инсонни ўрганадиган 
барча фанлар (анатомия, медицина, антропология, педагогика, психология, 
адабиёт ва ҳоказо) эришган ютуқлардан ҳамда булардан ташқари дунё ва 
инсон орасидаги муносабат масаласини ёритишга ҳисса қўшган бошқа 
таълимотлар билан —