1 мавзу: “Фалсафа ўқитиш методикаси” фанининг предмети, мақсади ва вазифалари

---

1 мавзу: 
 
“Фалсафа ўқитиш методикаси” фанининг предмети, мақсади ва 
вазифалари. 
 
Режа: 
1. “Фалсафани ўқитиш методикаси” курсининг предмети. 
2. Ҳозирги даврда фалсафани ўқитиш шарт-шароитлари.
3. Дарс ўтиш шакллари ҳақида умумназарий тасаввур
.
4. Ҳозирги даврда ўқитишга бўлган умумий талаблар. 
5. Фалсафани ўқитишнинг ўзига хослиги. 
 
1.
 
“Фалсафани ўқитиш методикаси” курсининг предмети 
 
"Фалсафани ўқитиш методикаси" курсининг 
предметини
бошқа ҳар 
қандай фанни ўқитиш методикаси каби ўқув материалини (ахборотни) 
талабага юқори назарий савияда, мантиқан изчил, тартибли ва таъсирчан 
етказиб бериш ҳамда уларнинг билимларни назорат қилиб, баҳолаб бориш 
услубларини ўрганиш ташкил этади. 
Демак, курснинг асосий 
мақсади
файласуф-талабаларни олий ўқув 
юртларида нофалсафий мутахассисликда ўқийдиган талабаларга фалсафани 
ўқитиш учун зарурий бўлган назарий принцип ва методик йўл-йўриқлар билан 
таништириш, уларнинг келгуси педагогик фаолияти учун керакли
кўникмаларини шакллантиришдан иборатдир.
Ушбу курс фалсафани давлат стандарти дастури доирасида ўқитишни 
кўзда тутади. Яъни, фалсафа билан узвий боғлиқ бўлган мантиқ, этика ва 
эстетика, диншунослик, маданиётшунослик, сиёсатшунослик, фан фалсафаси, 
руҳшунослик, жамиятшунослик, табиатшунослик фалсафаси, ҳуқуқ 
фалсафаси ва ҳ.к. четлаб ўтиб, ёки уларни иложи борича қисқартириб, асосий 
эътиборни фалсафанинг туб масалаларинигина тизимли равишда ўқитишга 
йўналтирилади.
Лекин давлат стандарти ҳам догматик схема эмас, яъни у ҳам давр 
талаблари ва ижтимоий шарт шароитларга мувофиқ равишда ўзгариб туради. 
Боз устига ўқув дастурлари, айниқса миллий фалсафамиз ҳали шаклланишда 
давом этаётган ҳозирги даврда, кафедра аъзоларининг, ўқитувчиларнинг ўз 
ишларига ижодий ёндошувлари ва ўқитиш жараёни билан бевосита боғлиқ 
шароитлар тақозаси билан тинимсиз ўзгартиришлар ва тузатишлар киритиб 
турилишини асло истесно этмайди. Бу ҳақида тегишли мавзуларимиз 
таҳлилида янада конкретроқ тўхталамиз.
2.