1-mavzu. Davlat tashkilotlarining harakat xavfsizligi sohasini boshqarishining umumiy tizimi reja

2. O‘zbekiston Respublikasi Vazirlar Mahkamasining va mahalliy hokimiyat organlarining harakat xavfsizligini ta’minlashdagi o‘rni

O‘zbekiston Respublikasi Vazirlar Mahkamasi:

• 
  yo‘l harakati xavfsizligini ta’minlash bo‘yicha davlat dasturlarini tasdiqlaydi va ularning amalga oshirilishi ustidan nazorat olib boradi;
  
• 
  yo‘l harakati qoidalarini hamda yo‘l harakati xavfsizligini ta’minlash va yo‘l harakatini tashkil etish masalalariga doir boshqa me’yoriy-huquqiy hujjatlarni tasdiqlaydi;
  
• 
  vazirliklar, davlat qo‘mitalari, idoralar, mahalliy davlat hokimiyati organlarining yo‘l harakati xavfsizligini ta’minlash, shuningdek ekologik xavfsizlik talablariga rioya etish sohasidagi faoliyatini muvofiqlashtiradi;
  
• 
  transport vositalari va yo‘llarning texnik holatiga, yo‘llarda va temir yo‘llarni kesib o‘tish joylarida yo‘l harakati xavfsizligiga doir yagona talablarni belgilaydi;
  
• 
  transport vositalarining haydovchilarini (bundan buyon matnda haydovchilar deb yuritiladi) tayyorlashga, shuningdek aholiga yo‘llarda yurish-turish xavfsizligi qoidalarini o‘rgatishga doir umumiy talablarni belgilaydi;
  
• 
  haydovchilarni, transport vositalarini, yo‘l harakati qoidalarining buzilishini, yo‘l-transport hodisalarini va boshqa ko‘rsatkichlarni hisobga olishning yagona tizimini tasdiqlaydi.
  

O‘zbekiston Respublikasi Vazirlar Mahkamasi qonun hujjatlariga muvofiq boshqa vakolatlarni ham amalga oshirishi mumkin.
Mahalliy davlat hokimiyati organlari:

• 
  yo‘l harakati xavfsizligini ta’minlash bo‘yicha davlat dasturlarini amalga oshiradi;
  
• 
  yo‘l harakati xavfsizligini ta’minlash bo‘yicha hududiy dasturlarni tasdiqlaydi va ularning amalga oshirilishi ustidan nazorat olib boradi;
  
• 
  yo‘l harakati xavfsizligi tibbiy jihatdan ta’minlanishini, shuningdek yo‘l-transport hodisalarida jabrlanganlarga tibbiy yordam ko‘rsatilishini tashkil etadi;
  
• 
  yo‘l-transport hodisalarining oldini olish, aholiga yo‘llarda yurish-turish xavfsizligi qoidalarini o‘rgatish, yo‘l harakati xavfsizligini targ‘ib qilish hamda ekologik xavfsizlik talablariga rioya etish bo‘yicha chora-tadbirlarni ko‘radi;
  
• 
  shaharlar, shaharchalar va qishloq aholi punktlaridagi ko‘chalarning, yo‘lkalarning hamda yo‘l harakatini tartibga solish vositalarining, shuningdek shahar elektr transporti yo‘llarining jihozlanishi va soz holatda saqlanishini ta’minlaydi.
  

Mahalliy davlat hokimiyati organlari qonun hujjatlariga muvofiq boshqa vakolatlarni ham amalga oshirishi mumkin.