1-мавзу. Боғловчи моддалар р е ж а

Гил тупрокли цементларни хоссалари ишлатилиш сохаси.
Зичлиги: 3,1–3,32 г/см³ оралиқда тебранади, ҳажмий оғирлиги сочилувчан 1000–1300, зичлантирган ҳолатда 1600 – 1800 кг/м³ ушбу цементнинг сув талабчанлиги 24–25% тенг. Тутиб қолиш муддатлари: бошланиши 30 мин олдин эмас, охири эса 12 соатдан кеч эмас.
Бу цементнинг сувга талабчанлиги 24-28%ни ташкил қилади.
Тутиб қолишни секинлаштириш учун NaCl, CaCl тезлаштириш учун оҳак, портландцемент киритиш тавсия этилади.
Мустаҳкамлиги бўйича - 400, 500, 600 маркаларга бўлинади ва бир сутка қотганда сўнг намуналар 3 суткали мустаҳкамлигидан 80 – 90% га эга бўладилар. Гилтупроқли цементга энг кўпи қотиш шароити бу сувли шароит паст ҳароратда (5-10⁰С) иссиқлик ажралиши ҳисобига бу цемент интенсив равишда қотади. Бу цемент асосида тайёрланганда бетонлар юқори совуққа, иссиққа чидамлиги билан характерланади, чунки унинг таркибида эркин ҳолатдаги СаО йўқ бўлади ва ғоваклиги портландцементга нисбатан 1,5 баробар кам. Гилтупроқли цемент CaSO₄, MgSO₄, денгиз суви, сут мой кислоталар таъсирига чидамли. Юқори 1200-1400 ⁰С ҳароратларга бардош, чунки таркибида Са(ОН)₂ бўлмайди.
Ишлатилиши: иссиққа чидамли, гидротехник иншоотлар тайёрлашда кўлланилади. Ишқорий муҳит, ҳарорати 25 - 30⁰С дан юқори бўлган ҳолатларда ишлатилиши мумкин эмас.
Портландцементдан тайёрланган қоришмалар ва бетонлар ёрилиши, кичрайиши, деформацияларига учраши туфайли чўкмайдиган ва кенгаювчан боғловчи моддалар ишлаб чиқилган. Улар гилтупроқли цемент ёки портландцемент асосида тайёрланади. Кенгаючан қўшимчалар сифатида алюминатлар ва кальций сульфатларидан, шунингдек кальций ва магний оксидлардан фойдаланиш мумкин.
Бу цемент қимматбаҳолигини ҳисобга олиб фақат махсус жойларда, тез қотиш зарурати бўлганда ва юқори ҳароратга чидамли қоришмалар ва бетонлар олишда ишлатилади.
Таркиби: 65–79% цемент, 20% гипс ва шунингдек, юксак асосли кальций гидроалюминатли қўшимча биргаликда туйиб олинадиган боғловчи сув ўтказмас кенгаювчан цемент (водонепроницаемый расширяющийся цемент ВРЦ) деб аталган бўлиб, унинг муаллифи В.В. Михайловдир (НИИЖБ).
Юқори асосли кальций гидроалюминат қўшимча гилтупроқли цемент ва кукунсимон гидратли оҳак аралашмасидан (1:1) иборат. Қотиш вақти бошланиш 4 мин олдин эмас, охири 10 миндан кеч эмас. Чизиқли кенгайиш 1 сут кейин 0,2% ва 1% кўп бўлмаслиги лозим.