1-мавзу. Боғловчи моддалар р е ж а

Минералогик таркиби. Юқорида кўрсатиб ўтилган тўртта оксид (СаО, SiO₂, Al₂O₃ ва Fe₂O₃) портландцемент клинкерида бирикиб кальций силикат, кальций алюминат ва кальций алюмоферритларини ҳосил қилади. Цемент клинкерининг шлифи мик­роскоп орқали кўрилганда у асосан кристалик структурали кальций силикатлардан иборат. Кальций силикатлар оралигида шишасимон аморф оралиқ моддалар деб аталувчи алюминат ва алюмоферритлар жойлашади. Портландцемент хоссалари ана шу минераллар миқдорига боғлиқ.
Портландцемент клинкерининг асосий минераллари куйидагилар:
Уч кальций силикат (алит) —ЗСаО•SiO₂ ёки C₃S.
Икки кальций силикат (белит) —2СаО•SiO₂ ёки C₂S.
Уч кальций алюминат — ЗСаО•Аl₂О₃ ёки С₃А.
Тўрт кальций алюмоферрит (целит) —4СаО•Al₂O₃•Ғе₂О₃ ёки С₄АҒ.
Нормал таркибли портландцемент клинкерида асосий минералларнинг процент миқдори қуйидагича бўлиши мумкин:
C₂ S —45-60%; C₂S—15-37%; С₃А—7-15%; C₄AF—10-18%.
Ишлаб чиқариш шароитларида СаО ни юқорида кўрсатиб ўтилган минераллар кўринишида батамом бириктириш қийин. Шунинг учун клинкер таркибида эркин, бирикмаган ҳолда бир оз СаО қолиши мумкин. Клинкерда эркин СаО бўлса, у портландцемент хоссаларига магний оксидга нисбатан хавфлироқ таъсир кўрсатади, яъни у ҳажмий жуда нотекис ўзгаради. Эр­кин СаО цементтошни бузиб юбормаслиги учун клинкерни туйишдан олдин эркин СаО ҳаводаги нам таъсиридан сўниб улгурадиган қилиб маълум вақт омборларда етилтирилади. Шунда клинкер бирмунча юмшайди ва уни туйиш осонлашади. Ҳозирги вақтда ишлаб чиқаришни автоматлаштириш муносабати би­лан клинкер етилтириб ўтирилмайди, ишлаб чиқариш анча мукаммал ташкил этилади. Портландцементнинг асосий техник хоссалари клинкер таркибида мухим минераллардан неча процент борлигига боғлиқ.
Назорат саволлари
1.Портландцемент клинкери ишлаб чиқариш учун асосий хомашёларга нималар киради?
2. Клинкер деганда нимани тушунасиз?
3.Клинкер сифати қандай баҳоланади?
4.Клинкернинг кимёвий таркибини гапириб беринг.
5. Клинкернинг минерологик таркибини гапириб беринг