1-мавзу. Банкларда бухгалтерия ҳисобини ташкил асослари

Мижозларга хизмат кўрсатиш. Мижозларга банкнинг барча хизматлар мажмуаси фақат Фронт-офис бўлимида кўрсатилганлиги боис, мазкур бўлим банк хизматларининг барча турларини яхши биладиган малакали мутахассислардан ташкил этилиши шарт. Бунда, шарт-шароитлар ва банк томонидан мижозларга кўрсатилаётган хизматлар рўйхати эълон қилиниши ҳамда мазкур хизматлардан банкнинг мавжуд ва бўлғуси мижозлари хабардор қилинади.
Хизмат кўрсатиш жараёнида ностандарт - кўзда тутилмаган ҳолатлар келиб чиқиши эҳтимоли мавжудлигини инобатга олган ҳолда, аниқ хизматлар тури бўйича пайдо бўлган саволларни жойида ҳал қилувчи ва тегишли операцияларни бутунлай назорат қилиш салоҳиятига эга бўлган юқори малакали мутахассислар билан жамланган бўлади.
Шундан келиб чиққан ҳолда, операцияларни амалга оширишда масъул ижрочи билиши лозим бўлган қонунчилик доираси қанчалик кичик бўлса, унинг иши тез ва сифатли бўлади. Шунинг учун, Фронт-офис масъул ижрочилари ўртасида мижозларни тақсимлашда, бир масъул ижрочида бир тоифали мижозлар бўлиши мақсадга мувофиқдир. Бунда, мижознинг мавжуд барча ҳисобварақларига бир масъул ижрочи томонидан хизмат кўрсатилади.
Назоратни амалга ошириш. Фронт-офис зиммасига мижоз томонидан тақдим этилган ҳужжатларнинг расмийлаштирилиши ва улар томонидан бошланган операцияларнинг тўғрилигини дастлабки назорат қилиш юклатилади. Қўшимча назорат зарур ҳолларда Фронт-офис ходими операциялар бўйича ҳужжатларни назоратчи ходимга тақдим этади.
Банк томонидан амалга ошириладиган мижоз операцияларининг назоратини ўз хусусиятлари бўйича қуйидаги турларга ажратиш мумкин: мижознинг шартномага асосланган ҳаракатини текшириш; мижоз ўз операцияларини қонунчиликда ўрнатилган тартибда бажараётганлигини текшириш; ҳужжатларнинг расмийлаштирилишига қўйилган талабларга риоя қилинишини таъминлаш; тўловларни амалга ошириш учун молиявий шароитлар мавжудлигини аниқлаш.
Шундай қилиб, банкларда бухгалтерия аппаратининг иш фаолиятини ташкил қилишда амалдаги қонуний ва меъёрий ҳужжатлар талабларига мос келишини ва уларнинг сифатли бажарилишини таъминлашга яқиндан ёрдам беради.