1-Мавзу: Ахборот тизимларининг инструментал воситаларига кириш. Режа

Кўп поғонали архитектура

Кўп поғонаи архитектура клиент-сервер архитектурасини ривожланган кўриниши бўлиб, тармоқдаги мурожаатларни янада меъёрлаштиради.
Ушбу инструментлар асосан Unix тизимига мослаштирилган, лекин амалий серверларни Microsoft Windows NT базасида қуриш мумкин.
Локал тармоқда икки ва уч поғонали қўшма архитектура ва битта маълумотлар базаси сервери ишлатилиши мумкин. Глобал алоқаларни инобатга олганда, архитектура учта звенодан ошиши мумкин. Ҳозирги вақтда клиент-сервер иловалари тармоқнинг турли нуқталарида қўлланилиши учун янги инструментал воситалар пайдо бўлди.
Шундай қилиб кўп поғонали архитектура корпоратив ахборот тизимларининг иш унумдорлигини оширишга ва унга тақсимланган аппарат-дастур ресурсларини оптималлаштиришга ёрдам беради.

Интернет - интранет технология

Интернет - интранет технология кўп поғонали архитектура билан бирга ривожланмоқда. Бу борада ҳозирча янги архитектура учун маълумотлар базаси билан бирга ишлайдиган мукаммал инструментал дастурий воситаларни яратиш кузатилаяпти. Бунинг натижасида маълумотлар базасига асосланган ахборот тизимларини ишлатиш ва кузатиш учун оддий ва қулай кўп поғонали архитектура билан биргаликда интернет-интранет технология тизими яратилди.
Ахборотли иловалар структураси қуйидаги кўринишга эга бўлди.
Браузер  дастур сервери  маълумотлар базаси сервери  динамик саҳифалар сервери  веб-сервер.

Кўп поғонали архитектурага қайтамиз.

Ишлаб чиқариш саноати тармоғи 1-расмда кўрсатилганидек фақат битта компьютерга эмас, балки компьютерлар тармоғига уланиши мумкин. Масалан, Ethernet локаль тармоғига ёки Internet глобал тармоғига (2-расм).

2-расм. Замонавий автоматлаштирилган тизимнинг уч босқичли иерархик кўриниши.

Автоматлаштирилган тизимнинг бундай архитектураси жамоа бўлиб ишлашда, автоматлаштирилган ахборот тизимларини бошқаришда қулай ҳисобланади. Масалан, навбатчи оператор, бош муҳандис ва директор теплицадаги ҳаво ҳароратини ёки элеватор қувватини бир вақтни ўзида кузатишлари мумкин. Алюмин заводида алюмин олиниши жараёнинининг бориши ҳақидаги маълумотларни 50 та локал тармоққа уланган ишчи ўринлари кузатиб туришади.
ОРС-сервер ёрдамида тармоқдаги ихтиёрий компьютерларга, киритиш-чиқриш қурилмаларига ёки контроллерларга рухсат берилади. OPC серверлари бир нечта компьютер ёки контроллерларга жойлаштирилиши мумкин, уларнинг ихтиёрий бирига рухсат тармоқдаги ихтиёрий компьютер орқали бажарилади. Технологик жараёнларни автоматлаштиришда ушбу архитектурадан фойдаланиш мумкин. Турли саноат тармоқлари турли протоколларни қўллаши, турли ишлаб чиқариш фирмаларининг қурилмаларини ишлатиши ва маълумотларни узатишда турли физик муҳитлардан (оптиктолали, мис симли, радиоалоқа) фойдаланишлари мумкин (2-расм). Одатда ОРС сервер компьютернинг фақат бир ёки бир нечта киртиш-чиқариш портлари билан ишлайди, уларнинг ҳар бирига битта саноат тармоғи уланади. Шунинг учун тизимдаги ОРС серверлар сони саноат тармоқлари сонидан кичик ёки тенг бўлади. Ethernet тармоғи туфайли тизимга МБ сервери, коммуникацион серверлар, веб-серверлар, принтерлар, плоттерлар, факслар, технологик қурилмалар ва бошқа қурилмалар енгил кира олишади.
Назорат қилувчи ва бошқарувчи дастурий восита ҳисобланадиган SCADA пакетлари компьютер тармоқларида ўрнатилган асосий датурий таъминотдир. Контроллерларда эса МЭК 61131-3 стандарти дастурлаш тилларига мос келувчи юкловчи дастур модуллар ишлатилади.
Мураккаб тизимларнинг бошқаруви бир нечта ўхшаш иерархик даражали кўринишга эга (3-расм).

3-расм. Замонавий автоматлаштирилган бошқарув тизими иерархик даражаси.