1-мавзу. Қадимги Шарқда халқаро муносабатлар ва дипломатия

Эллинизм даврида халқаро муносабатлар. Бу даврда Юнонистоннинг шимолида янги ҳарбий-сиёсий куч сифатида Македония намоён бўлган. Милоддан аввалги 346 йилда Македония подшоси Филипп II томонидан Фессалия, Фокида, Халкидика ва Фракия соҳили босиб олинган. Афина ва Юнонистоннинг бошқа полисларида Македонияга қарши ва тарафдор партиялар ўртасида кураш авж олган. Демосфеннинг ҳаракатлари туфайли юнон шаҳарларининг Македонияга қарши иттифоқи тузилган, аммо у милоддан аввалги 338 йилда Херонея шаҳри ёнидаги жангда тўла мағлубиятга учраган. Македонияга қарши партия раҳбарларидан бири Ликургнинг сўзларига кўра, "ҳалок бўлганларнинг таналари билан бирга юнонларнинг еркинлиги ҳам уруш майдонига кўмилди". Милоддан аввалги 337 йилда Филипп II томонидан Коринфда чақирилган конгресс Юнонистоннинг Македонияга бўйсунишини расмийлаштирган.
Филиппнинг вафот этиши ва ўғли Александрнинг тахтга келиши Юнониятонда янги даврни бошлаб берган. Александр Македонский (Искандар) бошчилигидаги юнон-македонлар армияси мил. авв. 334 йилда Еронга қарши юришни бошлаган. Граник дарёси ёнидаги жанг ( мил. авв. 334й.), Исс ёнидаги жанг (мил. авв. 333 й.), Гавгамела ёнидаги жанг (мил. авв. 331 й.) ларда еришилган ғалабалар Ероннинг катта қисми эгалланишига сабаб бўлган.
Шарқ томон ҳаракатланган Александр Ўрта Осиёга, сўнгра эса Ғарбий Ҳиндистонга бостириб кирган ҳамда улкан давлатга асос солган.
Унинг ўлимидан сўнг (мил.авв. 323й.) саркардалар ўртасидаги кураш натижасида эллин давлатлари шаклланган: Птолемейлар подшолиги (Миср), Салавкийлар давлати, Македония, Понт, Пергам, Каппадокия.
Салавкийлар давлати, Птолемейлар подшолиги ҳамда Македония Ўрта ер денгизининг Шарқий қисмида ўз ҳукмронлигини ўрнатиш учун асосий рақобатчиларга айланганлар ва Юнонистонда фаол сиёсий мавқега еришишга интилганлар.


3-мавзу. Қадимги Римда халқаро муносабатлар ва дипломатия.
Режа: 1. Фециаллар Кенгаши
2. Республика ва империя даврида элчилик тартиблари
3. Римнинг Карфаген, Македония ва эллин давлатлари билан халқаро алоқалари