1-мавзу. 1-дарс. Тexnologiya fanini o’qitish metodikasi fani va uning vazifasi

Дарснинг таълимий вазифаси дарс жараёнида ўқувчиларда шакллантириладиган билим, кўникма ва малакалар асосида белгиланади.
Дарснинг тарбиявий вазифаси дарс жараёнида ўқувчиларда қайси ахлоқий сифатлар шакллантирилиши асосида белгиланади.
Дарснинг ривожлантирувчи вазифаси дарс натижасида ўқувчиларда қайси билим, кўникма ва малакалар ҳамда ахлоқий фазилатлар ривожлантирилиши асосида белгиланади.
Дарснинг амалий вазифаси.
----------------------------------------------------------------------------------------------------------------------------------------------------------------------------------------------------------------------------------------------------------------------------------------
Дарснинг ижодий вазифаси.
---------------------------------------------------------------------------------------------------------------------------------------------------------------------------------------------------------------------------------------------------------------------------------------
Дарс болаларга билим бериш ва берилган билимни уларнинг кўникмасига айлантиришда асосий роль ўйнайди. Шу сабабли ўқув машғулотларида ажратилган вақтнинг асосий қисми дарс ўтиш учун сарфланади.
Технология фанини ўқитиш методикаси устахонада ўтказиладиган машғулотлар билан бошқа ўқув фанларини (ижтимоий-сиёсий, табиий математик) ўқитишнинг ўзаро дидактик боғлиқлигини очиб беради, шунингдек, қуйи, ўрта ва юқори синфлардаги Технология фанининг изчиллигини таъминлаш йўлларини кўрсатади.
Технология фани жараёнида ўқувчиларда меҳнатга муҳаббат, жисмоний меҳнат кишиларига ҳурмат ва шахснинг бошқа аҳлоқий сифатлари шаклланишига имкон беради.
Бу сифатлар оғзаки тушунтириш билан эмас, балки ўқувчиларни унумли меҳнатга катнаштириш йўли билан шакллантирилади.
Юқорида кўрсатилган ҳамма вазифаларни хал қилишда “Технология фанини ўқитиш методикаси” фани қуйидаги илмий тадқиқот методларига асосланади.
Кузатиш. Кузатиш жараёнида тадқиқотчи ўқув жараёнининг боришига аралашмай, фақат нима содир бўлаётганини қайд қилиб боради. Тадқиқотчи олдиндан кузатишнинг мақсади, вазифаси ва методикасини белгилаб олади.
Эксперимент. Эксперимент кузатишдан фарқли равишда тадқиқотчи томонидан вужудга келтирилган жиддий, аниқ шароитда ўтказилади. Экспериментда вазиятни кераклича такрорлаш мумкин. Тажриба аввал кичик гуруҳда, сўнг синфда, бир неча синф ва мактабларда ўтказилади. Натижанинг самарадорлиги ҳақида хулоса чиқарилади.