1. Matematik statistika elementlari. Tanlanma usul Emperik taqsimot funksiyasi

MATEMATIK STATISTIKANING VAZIFALARI. POLIGON VA GISTOGRAMMA. BOSH VA O’RTA QIYMATLAR.
REJA
1. Matematik statistika elementlari.

2. Tanlanma usul

3. Emperik taqsimot funksiyasi

4. Poligon va gistogramma

1. Matematik statistika elementlari

Ma’lumki, ehtimollar nazariyasida tasodifiy hodisalar (tasodifiy miqdorlar) ularning o‘zgarish qonuniyatlari o‘rganildi. Bunda tasodifiy miqdorlarni bo‘lishi yoki ularni topish bilan tasodifiy miqdorlar haqida to‘la ma’lumotga ega bo‘linadi. Bular nazariy ma’lumotlardir.

Tasodifiy hodisalarga bog‘liq bo‘lgan amaliy masalalarni hal etishda esa boshqacharoq yo‘l tutiladi. Bu yo‘l tasodifiy hodisalarni tajriba yoki sinov o‘tkazish yordamida o‘rganishdan iborat. Bunda tajriba yoki sinov natijalaridan foydalanib, tasodifiy hodisalarning ehtimollari, tasodifiy miqdorlar va ularning matematik kutilishi, dispersiya taqsimot qonunlari, taqsimot funksiyasi ehtimol zichliklari topiladi.

Tajriba natijalari kuzatish va hisoblash yordamida yuzaga keladi. Kuzatish va hisoblashlarda turli sabablarga ko‘ra xatoliklarga yo‘l qo‘yiladi. Demak, yuqorida keltirilgan tasodifiy miqdorlarni barcha xarakteristikalari taqriban topiladi. Ayni paytda, bu holda miqdorni ham baholash lozim bo‘ladi.

Matematik statistika (u ehtimollar nazariyasi bilan uzviy bog‘langan) oliy matematikaning bo‘limlaridan biri bo‘lib, unda tajriba, sinov natijasida olingan ma’lumotlarga asoslangan holda ilmiy va ommaviy xulosalar chiqarishning matematik usullari bayon etiladi.