1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

1) Электролитлар – суюқланмаси ёки сувдаги эритмаси электр токини ўтказадиган моддалар. Масалан: Барча тузлар, кислоталар, асослар.
2) Ноэлектрлитлар (электролитмаслар) – суюқланмаси ёки сувдаги эритмаси электр токини ўтказмайдиган моддалар. Масалан: металлмаслар, оксидлар, деярли барча органик моддалар.


С.Аррениуснинг электролитик диссоциланиш назарияси

Швед олими Сванте Аррениус 1887 йил электролитларнинг электр токини ўтказиш сабабларини ўрганиб “Электролитик диссоциланиш назарияси”ни таклиф этади. Кейинчалик П.Дебай бу назариянинг ривожланиши учун кўп қўшимчалар қилган.

- ҳар қандай электролит сувдаги эритмада ёки суюқланмада мусбат ва манфий зарядли ионларга ажралади;
- электр токи таъсирида мусбат зарядли ионлар катодга (манфий қутуб) манфий зарядли ионлар анодга (мусбат қутуб) томон тортилади. Шунинг учун мусбат зарядли ионлар “катионлар”, манфий зарядли ионлар “анионлар” дейилади.
- электролитларнинг ионларга ажралиши электролитик диссоциланиш дейилади. Диссоциланиш қайтар жараён бўлиб унга тескари жараён, яъни электролит ионларининг бирикиши ассоциланиш дейилади.
Катион – мусбат ион (заррача), Катод – манфий қтуб
Анион – манфий ион (заррача), Анод – мусбат қтуб
Диссоциланиш – ионларга ажралиш.
Ассоциланиш – ионларнинг бирикиши.
Ион – грек тилидан олинган сўз бўлиб, “кезиб юрувчи” деган маънони англатади. Ионларни таркибига қараб, оддий ва мураккаб ионларга ажратамиз. Таркиби битта элемент атомидан иборат ионлар оддий ионлар дейилади. Масалан: Cl^- – хлорид, S^-2 – сулфид, Na⁺ – натрий, Fe⁺³ – темир (III) ионлари ва ҳ.к. Таркиби ҳар хил элемент атомларидан иборат ионлар мураккаб ионлар дейилади. Масалан: NH₄⁺ – аммоний, SO₄^2- – сулфат, CuOH⁺ – мис (II) гидрокси, HPO₄^2- – гидрофосфат ионлари ва ҳ.к. Ионларни яна рангига қараб рангли ва рангсиз ионларга ажратамиз.
Рангсиз ионлар: Cl^- – хлорид (анион), S^-2 – сулфид, Na⁺ – натрий (катион), NH₄⁺ – аммоний, SO₄^2- – сулфат, HPO₄^2- – гидрофосфат, Н⁺ – водород ионлари ва ҳ.к.
Рангли ионлар: Fe⁺³ – қўнғир, Cu⁺² – кўк, Cu⁺ – қизил, Ni⁺² – яшил, Fe⁺² – қизил-қўнғир, Be⁺² – кулранг, Al⁺³ – оқ, Zn⁺² – оқ-кулранг, Cr₂O₇^2- – зарғалдоқ, CrO₄^2- – сариқ, MnO₄^– – бинафша, [Fe(CN)₆]⁺⁴ – сариқ, [Fe(CN)₆]⁺³ – қизил, Ag⁺ – кулранг ва ҳ.к.