1-маъруза Мавзу: Конструкциялар, бинолар ва иншоотларни синаш ва текширишнинг моҳияти

4.4 Маҳаллий бузилиш усуллари
Маҳаллий бузилиш усуллари энг ишончли ҳисобланиб, ўта масъулиятли биноларнинг бетон ва темир бетон тузилмаларининг мустаҳкамлигини аниқлашда самарали ишлатилади. Бу усулларда бетон тузилмасига олдиндан ўрнатилган анкер тортиб олинади ёки темирбетон тузилманинг чети ушатилади. Анкерни суғуриб олишга ёки тузилма четини ушатишга кетадиган куч қиймати орқали бетон мустаҳкамлиги аниқланади. Синовда стандарт анкерлар ва ушатувчи мосламалар ишлатилади.
Анкерни суғуриш усулида уч турдаги анкерлар қўлланилади. Биринчи тур анкерлар тузилмага бетон ётқизмасдан олдин ўрнатилади, иккинчи ва учинчи турдаги анкерлар суғурувчи куч таъсирида ўзини анкерловчи мосламага эга ва бетонда пармаланган жойга ўрнатилади.
Анкерни бетондан суғуриб олиш учун ГПНВ-5 ва ГПНС-4 русумидаги қўл гидравлик пресс-сўрғичлар қўлланилади (13.19-расм).

4.9-расм. ГПНВ-5 русумидаги гидравлик пресс-сўрғичнинг тузилиш схемаси: I-II-турдаги анкер тузилмаси, 2-маҳкамлагич, 3-ишчи стерженp штоги, 4-ишчи стерженp, 5-манометр, 6-даста, 7-сўрғич, 8-суюқлик ўтказгич, 9-ҳаракатланувчи оёқча

Улар ёрдамида 40-55 кН миқдорида суғурувчи куч ҳосил қилиш мумкин. Бетоннинг мустаҳкамлиги қуйидаги формула орқали аниқланади:

R=КmР (4.3)

бу ерда: К-анкер турига боғлиқ коэффициент; m – бетон таркибидаги тўлдирувчи (чақиртош) катталигига боғлиқ коэффициент, агар тўлдирувчи ўлчами 40 мм дан ортиқ бўлса - 1,1 га тенг, акс ҳолда 1 га тенг; Р - тортиб олувчи куч миқдори, кН.

Мустаҳкамлиги 10 МПа дан юқори бўлган оғир бетон, мустаҳкамлиги 5-40 МПа бўлган енгил бетон учун К коэффициентнинг қиймати асбоб паспортига илова қилинадиган жадвалдан олинади (13.1-жадвал).

4.1-жадвал

Анкерни суғуриш усулида бетон мустаҳкамлигини аниқлаш учун К мутаносиблик коэффициенти

Бетон нинг қотиш шарои ти	Анкер-нинг тури	Мустаҳ-камлик чегараси, МПа	Анкернинг ўрнатилиш чуқурлиги, мм	К коэффициентнинг қиймати
				Оғир бетон учун	Енгил бетон учун
Табиий	I	< 50 >50	48 35	1 2,3	1,1 -
	II	< 50 >50	48 30	0,85 2,4	0,95 -
	III	< 50	35	1,4	-
Иссиқлик таъсирида	I	< 50 >50	48 35	1,2 2,5	1,1 -
	II	< 50 >50	48 30	1 2,6	0,95 -
	III	< 50	35	1,7	-

Назорат саволлари

1. 
   Бузмасдан синашнинг моҳияти нималардан иборат
   

2.Пластик деформация усулини тушунтириб беринг
3.Эластик сакраш ва зарба импульси усулларида қандай синалади?
4.Маҳаллий бузилиш усули қандай амалга оширилади?