1-маъруза. Кейинги авлод тармоғининг келиб чиқиши (ngn). Асосий таъриф ва тушунчалар

Тармоқ компонентлари (ташкил этувчилари)


1) Чэгаравий имконийлик даражаси
Чэгаравий имконийлик даражасида турли-туман воситаларни қўллаш асосида тармоққа абонентлар ва терминалларни улаш амалга оширилади. Чақирувчи ахборотнинг формати, ушбу тармоқда узатиш учун ишлатиладиган мос форматга ўзгартирилади. Интеграллашган имконийлик қурилмаси (IAD): NGN архитектурасида ишлатиладиган абонентли кириш қурилмасидир. Бу қурилма ёрдамида пакетли тармоқ бўйича маълумотларни узатиш, товушли алоқа, видеоахборот ва бошқа хизматлар амалга оширилади.
Ҳар бир қурилмада (AD), максимум 48та абонент портлари кўзда тутилган.
Имконийлик медиашлюзи (AMG): Унинг ёрдамида абонентга турли – туман хизматлардан фойдаланиш имкони берилади, жумладан: аналогли тармоққа кириш, хизматлари интеграллашган ISDN рақамли тармоққа кириш, V5 га ва рақамли абонент (xDSL) линиясига кириши.
Сигналлашнинг медиашлюзи (SG): УКС7 (ОКС7) сигналлаш системаси тармоғининг ва интернет – протоколи (IP) тармоғининг интерфейс даражасида жойлашган бўлиб, у умумий фойдаланиш коммутацияланадиган телефон тармоғи PSTN ва IP тармоқ ўртасида сигналлашни ўзгартиришни таъминлайди. Боғловчи линиялар медиашлюзи (TMG): каналлар коммутацияси тармоғи билан пакетлар коммутацияси IP тармоғи оралиғида жойлашган бўлиб, IP узатиш муҳитининг ИКМ – оқимлари ва ахборот оқимлари ўртасида форматни ўзгартиришни таъминлайди.
Универсал медиашлюз (UMG): ичига қурилган SG ёки AMG нинг TMG режимларида сигналлашни ўзлаштиришни бажаради. Турли – туман қурилмаларнинг уланиши таъминланади, буларга PSTH телефон станцияси, муассаса телефон станцияси (PBX), имконийлик тармоғи, имконийлик тармоғи сервери (NAS) ва базавий станциянинг контроллери киради.
2) Пакетлар коммутацияси даражаси.
Таянч коммутация даражасида пакетлар коммутацияси амалга оширилади, ва даражада магистрал тармоқ ва транспорт тармоғи (MAN) да тақсимланган маршрутлаштирувчи ва 3 – даражали коммутаторига ўхшаш қурилмалар ишлатилади.
Бу даражада абонентларга юқори ишончлилик, хизмат кўрсатишнинг юқори сифат (QoS) ва катта ўтказиш қобилияти билан бир турли, ҳамда интегралли узатиш платформасини тақдим этишни амалга оширади.