1-Laboratoriya Tok yuklanish relesini rostlash stendi orqali tekshirish Ishdan maqsad

4-Laboratoriya Rostlash stend yordamida tok qabul qilgich (pantograf) ni tekshirish
Ishdan maqsad:
Tok qabul qilgichni rostlash stendi orqali tekshirishni o’rganish.
Ish tartibi:
1.Texnika xavfsizlik qoidalari bilan tanishish.
2.Stend yo’riqnomasi bilan tanishish.
3.Yo’riqnomaga qat’iy amal qilgan holda rostlash stendini ishga tushirish va hamma e’tiborni tok relesini rostlash ketma ketligini to’g’ri bajarish.

Umumiy ma’lumotlar
Pantograf elektr energiyasini sirpanuvchi kontakt orqali kontakt tarmog’idan elektrovozning elektr qurilmalariga uzatish uchun mo’ljallangan.Elektrovozning eng muhim elektr appartlaridan hisoblanadi. Tok qabul qilgichdagi ixtiyoriy nosozlik EHTning ishlash tizimini buzilishiga sabab bo’ladi.Tok qabul qilgichning parametrlari , ko’tarilish balandligi , kontakt tarmog’iga bosish kuchi bularning hammasi EHT ning kontakt tarmog’idan olayotgan elektr energiya bilan uzviy bog’liqdir.
Л-13У1 Pantografining texnik korsatgichlari

Nominal tok , A : Harakat vaqtida	550
Nominal tok , A : harakatsiz holda	50
Pnevmatik yuritmaning silindrlaridagi siqilgan havoning nominal bosimi, MPa (kgs/sm^2)	0,5 (5,0)
Pantograf uchun mo’ljallangan elektrovoz maksimal tezligi, km/s	160
Massasi , kg	290

17- rasm: 1 – pastki harakatlanuvchi qismining asosiy T-simon ko’ndalang trubasi; 2 – tepa harakatlanuvchi qismining bo’ylama trubalari; 3 – karetka; 4 – chang’i; 5 – tyagalar tizimi; 6 – tushiruvchi prujinalar; 7 – pnevmatik yuritma; 8 – ko’taruvchi prujinalar; 9 – sinxrotyaga; 10 – val; 11 – pantografning asosi.
ЭВТ-54А elektromagnit ventili yordamida pnevmatik yuritmaga siqilgan havo berilganida silindrlarning porshenlari tushiruvchi prujinalarni siqadi. Shu bilan birga bu prujinalarning pastki ramalarning vallariga bo’lgan ta’siri yo’qqa chiqadi. Ko’taruvchi prujinalarning ta’siri tufayli vallarning qayrilishi va pantografning pastki va tepa ramalarining ko’tarilishi sodir bo’ladi. Sinxrotyagalar chang’ining vertikal ko’tarilishini ta’minlaydi. Chang’i kontakt simiga tekkan vaqtda ko’taruvchi prujinalar kerakli miqdordagi statik bosish kuchini hosil qiladi. Karetkalar kontakt tarmog’idagi notekkisliklarni kompensatsiyalash uchun xizmat qiladi.
Pantografni tushirish uchun pnevmatik yuritmadagi siqilgan havo atmosferaga chiqarib yuboriladi. Tushiruvchi prujinalar sharnir-richag bog’lanishining vallari va tyagalari yordamida ko’taruvchi prujinalarga qarama qarshi yo’nalgan kuch hosil qiladi.