1-лаборатория машғулоти аминокислоталарнинг сифат реакциялари. Пептидларнинг сифат реакциялари

2-Тажриба
Биурет реакцияси. 1 мл оқсил эритмасига 1 мл натрий гидроксид эритмасидан солиб унинг устига томчилатиб мис сульфат эритмасидан қўшинг.
Аналитик эффекти – эритма бинафша рангга бўялади.
Бунда, ишқорий муҳитда, полипептид занжиридаги пептид боғлари енолланиш жараёнига учрайди:

Полипептиднинг енол шакли ўз навбатида мис гидроксид билан ўзаро таъсирлашиб кўкиш-бинафша рангли комплекс ҳосил қилади. Биурет реакцияси барча пептид боғи тутган бирикмалар учун характерли бўлади:

биурет комплекси
3-Тажриба
Нингидрин реакцияси. 3 мл оқсил эритмасига 1 мл 0,1% ли янги тайёрланган нингидрин эритмасидан қўшиб эритмани қайнагунча қиздиринг.
Аналитик эффекти: эритманинг ранги ўзгаради.
Бу реакция оқсиллар таркибида бўладиган аминокислоталарнинг аминогурухлари учун хос бўлган реакция ҳисобланади. Бунда аминокислоталар ўзларининг аминогурухлари ҳисобига қуйидаги реакцияга киришади:

аминокислота нингидрин Рузман қизили


4-Тажриба
Ксантопротеин реакцияси. 3 мл оқсил эритмасига эҳтиётлик билан 1 мл конц. нитрат кислота эритмаси қўшиб аралашма қайнагунча қиздиринг. Эритма совуганидан сўнг унга концентрланган ишқор эритмасидан томчилатиб қўшинг.
Аналитик эффекти: зарғалдоқ-қизғиш ранг ҳосил бўлади.
Ароматик табиатли аминокис­лоталар (тирозин, триптофан, фенилаланин) га конц. нитрат кислота эритмаси таъсир эттирилганда сариқ рангли тегишли нитробирикмалар ҳосил бўлади.

тирозин

Динитротирозиннинг натрийли тузи


5-Тажриба.
5-оксиметилфурфурол билан реакцияси. 1мл оқсил эритмасига аввал 5 томчи сахароза эритмаси, унинг устига эса эҳтиётлик билан 5 томчи концентрланган сульфат кислота эритмасидан қўшинг.
Аналитик эффекти: икки эритма чегарасида қизғиш-олча ранг ҳосил бўлади.
Бу ранг, сахароза эритмасига конц. сульфат кислота эритмаси қўшиб оқсилга таъсир эттириш натижасида ҳосил бўладиган триптофан билан оксиметилфурфуролнинг ўзаро таъсирлашиши натижасида ҳосил бўлади.