1-лаборатория машғулоти аминокислоталарнинг сифат реакциялари. Пептидларнинг сифат реакциялари

6-Тажриба.
Таркибида олтингугурт тутган аминокислоталар учун хос бўлган реакциялар. 3 мл оқсил эритмасига 6 мл натрий гидроксиди эритмасидан қўшиб қайнатинг (бунда аммиак газининг ажралиб чиқишига эътибор беринг). Сўнгра ҳосил бўлган маҳсулот устига аввал 1 мл қўрғошин ацетат эритмаси, сўнгра ҳосил бўладиган чўкмани тўлиқ эриб кетгунича ишқор эритмасидан қўшинг, бунда натрий плюмбит ҳосил бўлади:
Pb(CH₃COO)₂ + 2NaOH  Pb(OH)₂ + 2CH₃COONa
Pb(OH)₂ + 2NaOH  Na₂PbO₂ + 2H₂O
натрий плюмбит
RSH + 2NaOH  ROH + Na₂S + H₂O
S-сақловчи
аминокислота
Na₂S + Na₂PbO₂ + H₂O  PbS + 4NaOH


7-Тажриба
Вуазен реакцияси. Пробиркага 2 мл тухум оқсилидан солиб унинг устига 1 томчи формальдегид эритмасидан қўшинг. Ҳосил қилинган аралашмага (муз ёрдамида совутган ҳолда) томчилатиб 6 мл концентрланган сульфат кислота эритмасидан қўшинг. 10 минутдан сўнг 10 томчи натрий нитрит эритмасидан қўшинг.
Аналитик эффекти: кўк-бинафша тусли эритма.
Тухум оқсили таркибида бўладиган триптофан формальдегид билан конденсатланиб рангли бис-2-трипто-фенилметанни ҳосил қилади, у эса ўз навбатида оксидланиб кислотали муҳитда бинафша рангли бис-2-триптофенил-карбинол тузини ҳосил қилади.


1-ЛАБОРАТОРИЯ МАШҒУЛОТИ ЮЗАСИДАН ТОПШИРИҚЛАР
I. Мавзу юзасидан топшириқ саволлари
1. Аминокислоталар қандай классификация қилинади?
2. Ксантопротеин реакцияси қандай аминокислоталар учун хос?
3. Аминокислоталар учун қандай спетсифик реакцияни биласиз?
4. Барча аминокислоталар учун қандай сифат реакциялари ишлайди?
5. Аминокислоталарнинг қандай табиий манбаларини биласиз?


II. Лаборатория машғулоти йўриқномаси билан тўлиқ танишиб чиқиб уни тахлил қилинг.
III. Лаборатория дафтарингизни лаборатория йўриқномалари, реакция тенгламалари ҳамда кузатиладиган анилитик эффектларни тахлил қилган холда хулоса қилиб тўлдиринг.
IV. I ва II топшириқларни тегишли лаборатория машғулотигача ўқиб ўрганинг ҳамда ўқитувчи билан мавзу юзасидан савол жавобга тайёргарлик кўринг?
V. III топшириқни навбатдаги лаборатория машғулотигача webdars.nuu.uz сайтига жойланг.