1-Лаборатория иши

Minerallarning  yaltiroqligi.  Minerallardagi  bu  xususiyat  uning 

yuzasiga  tushgan  nurning  qaytarilishi  bilan  bog‘liq.  Yaltirashning 

kuchliligi,  ya'ni  qaytgan  nur  miqdori  shu  nurning  kristallangan  muhitga 

o‘tish paytidagi tezligi yoki sindirish ko‘rsatkichi orasidagi farq qanchalik 

keskin  bo‘lsa,  shunchalik  ortiq  bo‘ladi.  Minerallar  yaltiroqliklariga  qarab 

ikki  guruhga  bo‘linadilar.  Birinchi  guruhga  metallsimon  va  metallga  

o‘xshab  yaltiraydigan  minerallar.  Metallsimon  yaltirash  yangi  singan 

metall  yuzasining  yaltirashini  eslatadi.  (pirit,  galenit).  Metallga  o‘xshab 

yaltirash metallning singan yuzasini xiralashib yaltirashini eslatadi (grafit). 

Ikkinchi  guruhga  nometall  yaltiroqligiga  ega  bo‘lgan  minerallar  kiradi. 

Nometall  yaltiroqlikning  olmosdek  yaltirash  (olmos),  sadafdek  (slyuda) 

shishadek  yaltirash  (kalsit,galit),  ipaksimon  yaltirash  (asbest),  xira  yoki 

yaltiramaydigan (kremen,limonit) va boshqa turlari bo‘ladi.