1. Kazusga Javob

1.Kazusga Javob:
Мактабнинг 7-синфида ўқувчи Жавлоннинг хулқида ўзгаришлар кузатила бошланди. Синф раҳбари ўқувчисининг ота-онасини бу ҳақда огоҳлантириш учун мактабга чақирди. Бироқ Жавлоннинг отаси фарзандининг асосий вақти мактабда ўтишини, демакки бу ҳолатда мактаб жамоаси айбдорлигини рўкач қилди.
Сизнингча, бу қанчалик тўғри? Вояга етмаганлар билан ишлашда асосий масъулият кимнинг бўйнида? Фикрингизни ҳуқуқий жиҳатдан асосланг.
Ma’lumki, mamlakatimiz aholisining 40.0 foizidan ortig’ini voyaga yetmaganlar tashkil etadi. Bu degani aholining qariyb yarmiga teng. Shu jihatni inobatga olgan holda aytish mumkinki, nafaqat boshqaruv organlari, ta’lim muassasalari, huquqni muhofaza qilish organlari, balki mahalla va ota-onalarga ham ulkan mas’uliyat yuklanadi. Bugungi kunda voyaga yetmaganlar orasida ko’plab jinoyatchiliklar, huquqbuzarliklar kuzatilmoqda. Ularning oldini olish uchun albatta ta’lim muassasasi, mahalla va ota-onalar hamkorligini hamda voyaga yetmaganlar bilan ishlovchi psixologlar faoliyatini yo’lga qo’yish kerak. Voyaga yetmagan yoshlar o’rtasida huquqiy-tarbiyaviy ishlarni kuchaytirish, ular tomonidan huquqbuzarliklarining oldini olish bu yo’nalishda mas’ul bo’lgan davlat idoralari, jamoat tashkilotlarining zimmasiga yuklanganligi ma’lum. Bu borada 2010-yil 29-sentabrda “Voyaga yetmaganlar o’rtasida nazoratsizlik va huquqbuzarliklarning profilaktikasi to’g’risida”gi Qonun ham qabul qilingan. Yuqorida berilgan muammoli vaziyatdan kelib chiqib shuni ta’kidlash joizki, ba’zi ota-onalar o’zlarining farzand tarbiyasiga loqayd ekanliklarini, ular tarrbiyasi uchun vaqt ajratmasliklarini tan olgisi kelmaydi. Aksincha, ular ta’lim muassalarida ko’p vaqtini o’tkazishini va o’sha yerning o’zida nazoratga olinishi kerakligini ro’kach qilishadi. Ammo, farzand avvalo oilada tarbiya ko’radi. Agarda har bir ota-ona o’zlarining bir necha nafar farzandiga mana shunday befarq bo’lsa, ta’lim muassasalarida o’qiyotgan minglab yoshlarni qanday tarbiyalash mumkin. Axir ta’lim muassasalari o’z nomi bilan ta’lim muassasalari, oila esa tarbiya o’chog’i deya tilga olinadi. Bir bolaning tarbiyasi uchun faqatgina ta’lim muassasalari emas, balki ota-ona, mahalla ham javobgar. Axir aytishadiku: “Bir bolaga yetti mahalla ota-ona”, deb. Yoshlar – yurtimizning kelajagi. Ularning xalqqa, Vatanga nafi tegadigan inson bo’lib yetishishida har birimiz mas’ulmiz. Yoshlar ta’lim-tarbiyasida sansolarlikka borish emas, balki har kim o’z gardaniga yuklangan mas’uliyatga sidqidildan yondashishi lozim. Zero, bugun yoshlar tarbiyasida e’tiborsiz qolgan birgina nuqson ham kelajakda katta talofatlarga olib kelishi mumkinligini unutmaylik.
64-modda.
Ota-onalar o‘z farzandlarini voyaga yetgunlariga qadar boqish va tarbiyalashga majburdirlar. Davlat va jamiyat yetim bolalarni va ota-onalarining vasiyligidan mahrum bo‘lgan bolalarni boqish, tarbiyalash va o‘qitishni ta’minlaydi, bolalarga bag‘ishlangan xayriya faoliyatlarni rag‘batlantiradi.