1. Иқтисодиёт ва жамиятда илмий-техника тараққиёти ривожланиш дастаги сифатида

Янги қурилиш техникасининг самарадорлиги юқорида кўрсатилган формула бўйича баҳоланади. Бунда янги ва олдин экплуатация қилинган техниканинг қиймати ҳисобга олинади. Янги ва олдиндан экплуатация қилинган конструкциянинг узоқ муддатлигини ҳисоблаш учун қуйидаги формуладан фойдаланилади:

Кэ = (Р1 + Ен) / (Р2 - Ен)

• Бунда: Р1, Р2 — таққосланадиган вариантлар бўйича қурилиш конструкцияларининг бир йил хизмат қилишга мўлжалланган қийматининг улуши.

3.Илмий техник-тараққиёт ютуқларидан фойдаланиш эвазига қурилишни давом этиш муддатини қисқартириш. Бунда иқтисодий самарадорлик қуйидаги формула бўйича аниқланади:

Эу = Н (1 - Т2/Т1)

• Бунда: Н — қурилишни давомийлик муддатининг вариантлари бўйича шартли-доимий ҳаражатлар;
• Т1 ва Т2 - таққосланаётган вариантлар бўйича қурилишнинг давомийлик муддати.

Шартли-доимий ҳаражатлар миқдори ўртача «материалларга ҳаражатлар» моддаси бўйича бир фоиз этиб қабул қилиниши мумкин ёки «машина ва механизмларни экплуатация қилиш ҳаражатлари» моддаси бўйича 15 %, «давр (устама) ҳаражатлари» моддаси бўйича 50% этиб белгиланиши мумкин.

4. Хажмий-режавий ва конструкторлик ечимларини такомиллаштириш. У қуйидаги формула бўйича аниқланиши мумкин:

Э = (С1-С2) = Енс (К1-К2) + Ен (Ф1-Ф2)

• бунда: С1 ва С2 - йиллик ишлаб чиқариладиган маҳсулотнинг (ишлаб чиқариш объектлари) таннархи ёки экплуатацион ҳаражатлар (ноишлаб чиқариш объектлари);
• Енс ва Ен — қурилиш объектининг қурилиш самарадорлигининг норматив коэффициентлари;
• К1 ва К2 — таққосланадиган объектлар учун капитал қўйилмалар;
• Ф1, Ф2 — таққосланадиган объектларни жиҳозлашда қурилиш ташкилотларининг ишлаб чиқариш фондлари.