1-илова ўзбекистон республикаси мактабгача таълим вазирлиги

9.2. Болаларни бошланғич таълимга тўловсиз мажбурий бир йиллик тайёрлаш бўйича гуруҳлар ишига оилаларни жалб қилишнинг фойдалилиги

Ота-оналарнинг МТМ фаолиятига жалб этилиши болаларга ҳам, ота-оналарга ҳам, МТТ ҳам фойда келтиради. Мулоқот, ўзаро ҳурмат, турфахилликни, бола манфаатларининг муҳимлигини эътироф этиш самарали ҳамкорликка асос бўлиб хизмат қилади. Самарали ҳамкорлик шакллантирилиши учун педагоглар ва ота-оналар ўзларида янги кўникма ва билимларни ривожлантиришлари керак.

Педагог учун оила шунчаки таъсир объекти сифатида хизмат қилмаслиги керак, болаларни бошланғич таълимга мажбурий бир йиллик тайёрлаш гуруҳ педагоглари бола учун оила унинг шахс сифатида шаклланишини белгилаб берадиган зарур муҳит эканини ўзлари ҳам тушунишлари, ота-оналарга ҳам тушунтириб беришлари зарур. Шунинг учун ота-оналарнинг педагогик жараён доирасига жалб этилиши, уларнинг фаол иштироки педагог шундай бўлишини хоҳлаши учун эмас, бу ўз боласининг ривожланиши учун муҳим бўлгани учун керакдир.

9.3. Ҳамкорлик имкониятлари

Оила аъзолариниг болаларни бошланғич таълимга мажбурий бир йиллик тайёрлаш гуруҳлар фаолиятида иштирок этиши учун турлича имкониятлар яратилади:

• 
  Ота-оналар учун қулай вақтда оилаларга ташрифини режалаштириш педагогга болалар ва ота-оналар билан улар учун одатий вазиятда танишиш имконини беради;
  
• 
  Ота-оналарга болаларининг қандай ишлаётгани ва ўйнаётганини кўриш учун истаган пайтда гуруҳга ташриф буюришига имкон бериш;
  
• 
  Ота-оналарни гуруҳда болалар билан биргаликда шуғулланиш учун таклиф этиш, маълумот алмашиш тарзида педагог томонидан тақдим этиладиган болалар портфеолари ҳақида ўз фикр-мулоҳазаларни билдириш;
  
• 
  Ота-оналар педагогларга қандайдир оилавий воқеалар – туғилган кунлар, янги иш, қариндош ёки қўшни шаҳарга ташриб буюриш ҳақида хабар берган ҳолларда ушбу воқеаларни гуруҳдаги болалар билан муҳокама қилиш;
  
• 
  Болалар билан тўлақонли мулоқот тажрибаси билан ўртоқлашиш имкониятини яратадиган мавзулар бўйича кўргазмалар;
  
• 
  Боланинг миллий ва минтақавий маданиятни ўрганишга мўлжалланган музейларга биргаликда ташриф буюриш;
  
• 
  Ота-оналар билан биргаликда байрам тадбирлари, болалар ишлари кўргазмаларини ташкил этиш.
  

Педагоглар ва ота-оналарнинг биргаликдаги фаолияти ва ўзаро мулоқоти учун кўплаб рангбаранг имкониятларнинг мавжудлиги ҳар бир оиланинг хусусий манфаатлари ва хоҳиш-истакларига мос келадиган ҳамкорлик шаклларни ишлаб чиқишга имкон беради¹⁴.