1-илова ўзбекистон республикаси мактабгача таълим вазирлиги

8.3.Кузатишнинг асосий тамойиллари:

Боланинг кузатилаётган ҳаракатини пишиқ-пухта ҳужжатлаштириш;
Субъектив талқин (педагогнинг шахсий фикри, ҳис-туйғулари) йўл қўймаслик;
Бола томонидан шахсан бажарилган ишни ёки айтилган гапнигина холисона кузатиш;
Имкон борича кўпроқ маълумот тўплаш, улар имкон даражасида содда ва тушунарли бўлиши керак

8.4.Болаларнинг индивидуал ривожланишини ҳужжатлаштириш ва кузатиб бориш

Болалар соғлигининг кундалик назорати. Болалар гуруҳга келиши билан тарбиячи улар соғлиғининг ҳолати ҳақида қайдлар қилади.
Педагогнинг болалар билан индивидуал ишлаш дафтари¹¹. Дафтарга ривожланишнинг айрим соҳаларида алоҳида эътибор қилиш лозим бўлган болалар ҳақида маълумот қайд этилади. Педагоглар дафтардаги маълумотлардан педагогик мақсадларни қўйиш ва боланинг ривожланишига хизмат қиладиган фаолият турларини режалатиришда фойдаланиши мумкин.
¹¹“Илмга йўл” Вариатив дастурига 1-илова, «Педагог ишчи журнали намунавий шакли», «Болалар билан индивидуаль ишлаш» бўлими
"Портфолио". Бу боланинг қисқа муддатли гуруҳга келганидан тортиб таълимни якунлагунга қадар ютуқлари ва ишларининг индивидуал тўплами. Портфолиодан ривожланишнинг ўз-ўзига баҳо бериш воситаси фойдаланиш, унга боланинг ўз фикр-мулоҳазаларини акс эттиришга ҳаракат қилиб, сўзлар ва сонларни ёзишга уринишларини, нуқт намуналарини ҳам киритиш мумкин. Бундан ташқари, ота-оналарнинг рухсати билан бола фаолиятини акс эттирадиган фотосуратларни, оғзаки нутқлари ёзилган аудиодискларни танлаб олиш мумкин. Болалар уларга тегишли бўлга портфелио ота-оналарга кўрсатилиши билиши лозим.
Интервью ва суҳбатлар. Болалар катталар билан ўз фикрлари, ғоя ва ишлари бўйича гаплашишни жуда хуш кўради. Бундай ҳолларда педагог болаларга самимият ва ҳурмат билан муносабатда бўлиши, ўзини қизиқтирган мавзу бўйича боланинг сўзларини тинглаши, очиқ
саволлар бериши, суҳбатга ундаши лозим. Бундан тадқиқотнинг мақсади болаланинг хусусиятлари ва эҳтиёжлари ҳақида кўпроқ билишдан иборат.